ગુજરાતના વર્તમાન પોલીસ વડા (DGP) આશિષ ભાટિયાનો વધારવામાં આવેલો કાર્યકાળ હવે પૂર્ણતાને આરે છે, ત્યારે ગુજરાતના આગામી રાજ્ય પોલીસવડા કોણ બનશે એની ચર્ચા પોલીસબેડામાં શરૂ થઈ ગઈ છે.
આગામી રાજ્ય પોલીસવડા કોણ બનશે એની ચર્ચા શરૂ
આ મહિનાના અંતમાં પૂર્ણ થઈ રહ્યો છે આશિષ ભાટિયાનો કાર્યકાળ
અમદાવાદ પો.કમિશનર સંજય શ્રીવાસ્તવ સહિત આ નામો ચર્ચામાં
ગુજરાત રાજ્ય પોલીસવડા આશિષ ભાટિયાની વય નિવૃત્તિ બાદ સરકાર દ્વારા તેમનો કાર્યકાળ લંબાવાયો હતો. 1985ની બેચના આશિષ ભાટિયાનો કાર્યકાળ 31 મેના રોજ પૂર્ણ થવાનો હતો, જોકે, તેમનો કાર્યકાળ લંબાવવાના ગુજરાત સરકારના પ્રસ્તાવ પર સ્વીકૃતિ મળતાં આશિષ ભાટિયાનો કાર્યકાળ લંબાવાયો હતો. હવે તમેનો કાર્યકાળ આ મહિનાના અંતમાં પૂર્ણ થઈ રહ્યો છે. ત્યારે આગામી નવા DGP કોણ હશે તેની ચર્ચાઓ શરૂ થઈ ગઈ છે. ગુજરાતના નવા DGP તરીકે 1987 બેચના IPS અધિકારી અને અમદાવાદ પોલીસ કમિશનર સંજય શ્રીવાસ્તવનું નામ સૌથી આગળ ચાલી રહ્યું છે.
નવા DGP માટે ત્રણ નામોની યાદી કેન્દ્રમાં મોકલાશે
આ ઉપરાંત અતુલ કરવાલ, વિકાસ સહાય, અજય તોમર અને અનિલ પ્રથમનું નામ પણ ચર્ચામાં છે. નવા DGP માટે ત્રણ નામોની યાદી કેન્દ્રમાં મોકલવામાં આવશે. એવું કહેવામાં આવી રહ્યું છે કે આ મહિનાના અંત સુધીમાં ગુજરાતના નવા પોલીસવડાનું નામ જાહેર થઈ શકે છે. મહત્વનું છે કે, 31 જુલાઈ 2020ના રોજ ગુજરાત રાજ્યના પોલીસવડા પદેથી શિવાનંદ ઝાની નિવૃત્તિ બાદ તેમના સ્થાને 1985ની બેચના આશિષ ભાટિયાની નિમણૂક કરાઈ હતી.
ગત મે મહિનામાં લંબાવવામાં આવ્યો હતો કાર્યકાળ
1985ની બેચના આશિષ ભાટિયાનો કાર્યકાળ 31 મેના રોજ પૂર્ણ થવાનો હતો, જોકે તેમનો કાર્યકાળ લંબાવવાના ગુજરાત સરકારના પ્રસ્તાવ પર સ્વીકૃતિ મળતાં આશિષ ભાટિયાનો કાર્યકાળ લંબાવાયો હતો. આશિષ ભાટિયાનો વધારવામાં આવેલો કાર્યકાળ પણ હવે પૂર્ણતાને આરે છે. ત્યારે ગુજરાતના આગામી રાજ્ય પોલીસવડા કોણ બનશે એની ચર્ચા પોલીસબેડામાં શરૂ થઈ ગઈ છે.
બે IPS અધિકારીઓને અપાઈ હતી બઢતી
અત્રે ઉલ્લેખનીય છે કે, ગુજરાત સરકારે તાજતરમાં એક નોટિફિકેશન જાહેર કરીને ગુજરાત કેડરના બે IPS અધિકારીને બઢતી આપી હતી, જેમાં રેન્જ આઈજી પીયૂષ પટેલ એડિશનલ DGP તરીકે, જ્યારે પ્રેમવીર સિંહને આઈજીપી તરીકે બઢતી આપવામાં આવી હતી.