ઈલેક્શન 2022 / આવતીકાલે કોના ફટાકડા ફૂટશે? ચૂંટણી પરિણામ પહેલા ફટાકડા બજારમાં તેજી, માંગમાં એકાએક આટલા ટકાનો વધારો

• અમદાવાદમાં ફટાકડાની માગમાં વધારો
• ચૂંટણી પરિણામ પહેલાં ફટાકડાની માગ વધી
• કાર્યકરોએ ફટાકડા માટે પૂછપરછ શરૂ કરી 

ગુજરાત વિધાનસભા ચૂંટણીને લઈને તમામ એગ્ઝીટ પોલના સકારાત્મક પરિણામો જોઈને ભારતીય જનતા પાર્ટી ખૂબ જ ઉત્સાહિત દેખાઈ રહી છે. અમુક બેઠકો પર એક્ઝીટ પોલમાં જે ઉમેદવારો જીતી શકે તેમ બતાવ્યા બાદ કાર્યકર્તાઓ દ્વારા તૈયારી શરૂ કરી દેવામાં આવી છે. આવતીકાલ મતગણતરી થવાની છે જેમાં જીતની આશા ધરાવતા ઉમેદવારોના કાર્યકર્તાઓ દ્વારા અત્યારથી મીઠાઈના ઓર્ડર પણ અપાઈ ગયા છે. તેમજ વિધાનસભા ચૂંટણી પરિણામને લઈને ફટાકડાની માગમાં વધારો જોવા મળી રહ્યો છે.

ચૂંટણી પરિણામને લઈ ફટાકડાની માગમાં વધારો
વિધાનસભા ચૂંટણી પરિણામને લઈને ફટાકડાની માગમાં વધારો જોવા મળી રહ્યો છે. પરિણામ પહેલા ફટાકડા માર્કેટની તેજ થઈ છે. લગ્ન પ્રસંગ કરતા ફટાકડાની માગમાં 30 ટકા વધુ વધારો જોવા મળી રહ્યો છે. રાજકીય પક્ષોના કાર્યકરો ફટાકડા માર્કેટમાં પૂછપરછ કરી રહ્યા છે. ભાજપ કેસરી સ્મોકરવાળા ફટાકડાની માગ થઈ રહી છે. જીતી શકે તેવા ઉમેદવારો ખરીદી માટે સ્ટેન્ડબાય થયા છે.

મીઠાઈના ઓર્ડર અપાઈ ગયા?
પાર્ટીના સૂત્રોના જણાવ્યા અનુસાર ‘કમલમ’ ઉજવણીનું મુખ્ય કેન્દ્ર હશે. ઢોલ-નગારા સાથે આતશબાજીનો પણ કાર્યક્રમ છે. અત્યારથી જ મીઠાઈના ઓર્ડર પણ મોટા પાયે આપી દેવામાં આવી ગયા છે. લોક કલાકારોનું અત્યારથી બોલાવી દેવામાં આવ્યા છે.

પૂરજોશમાં તૈયારીઓ
પ્રદીપસિંહ વાઘેલાએ ગઈકાલે જણાવ્યું હતું કે ગુજરાતમાં છેલ્લા 27 વર્ષથી ભારતીય જનતા પાર્ટી સત્તા પર છે. તેમનું કહેવું છે કે આ વખતે પણ એગ્ઝીટ પોલના પરિણામો એ વાત તરફ ઈશારો કરી રહ્યા છે કે સત્તાની ટોચ પર માત્ર ભાજપ જ રહેશે. આ અંગે પાર્ટી કાર્યાલયમાં ખાસ તૈયારીઓ કરવામાં આવી રહી છે તેમજ ભાજપના "કમલમ" કાર્યાલયની સાથે રાજ્યભરમાં જિલ્લા અને સ્થાનિક સ્તરે મોટી ઉજવણીમાં તૈયારીઓ ચાલી રહી છે.

એક્ઝિટ પોલમાં કોણ જીત્યું?
બીજા તબક્કાના મતદાન બાદ ઘણી ન્યૂઝ ચેનલોએ એગ્ઝીટ પોલ જાહેર કર્યા છે. આ એગ્ઝીટ પોલ મુજબ ભારતીય જનતા પાર્ટી ગુજરાતમાં ફરી સત્તામાં આવી રહી છે. પાર્ટીને અગાઉની તમામ જીત કરતાં મોટી જીત મળવાનું આકલન આ એગ્ઝીટ પોલમાં દેખાઈ રહ્યું છે. ટીવીનાઈનના એક્ઝિટ પોલ અનુસાર 182માંથી ભાજપ 125થી 130 સીટો જીતી શકે છે.  કોંગ્રેસને માત્ર 40 થી 50 બેઠકો તેમજ આમ આદમી પાર્ટીને 3થી 5 બેઠકો મળવાનું અનુમાન કરવામાં આવ્યો છે.