વલસાડમાં પૈસાનો વરસાદ કરી આપવાની લાલચ આપીને પૈસા પડાવનાર તાંત્રિકનો સ્થાનિકોએ પોલીસના હવાલે કર્યો
વલસાડમાંથી ઝડપાયો ઠગ તાંત્રિક
પૈસાનો વરસાદ કરવાની આપતો હતો લાલચ
ધતૂરાનુ પાણી પીવડાવીને લોકોને કરતો બેભાન
કહેવાય છે કે જ્યાં લોભિયા હોય ત્યાં ધૂતારા ભૂખે ન મરે.અને આ કહેવત સાચી પડી છે વલસાડમાં. વલસાડના કપરાડાના વારોલી તલાટ ગામેથી એક તાંત્રિક ઝડપાયો જે લોકોને પૈસાનો વરસાદ કરાવવાની લાલચ આપતો હતો. જો કે લોકોને જ સચ્ચાઇનું ભાન થતા તાંત્રિકને પોલીસ હવાલે કરવામાં આવ્યો છે.
પૈસાનો વરસાદ કરાવવાની લાલચ
પૈસાના લ્હાયમાં લોકો શું નથી કરતા. ક્યાંક આરોગ્ય સાથે ચેડા તો ક્યાંક મૂરખ બનાવવા આકર્ષક સ્કિમો આપીને છેતરવાના ધંધા કરે છે. જો કે પૈસા લાલચુઓને આવી સ્કીમોનો ભોગ બનતા વાર નથી લાગતી. ત્યારે વલસાડના વારોલી તલાટ ગામે પણ પૈસાના વરસાદ કરવાની લાલચ આપનારો તાંત્રિક ઝડપાયો. આ તાંત્રિક લોકોના પૈસાદાર બનાવવાનું કહીને વિધીના બહાને લોકો પાસેથી પૈસા પડાવતો હતો. જો કે તાંત્રિક ફરાર થાય તે પહેલા જ લોકોને તેને ઝડપી પાડીને જેલભેગો કર્યો.
ધતૂરાનુ પાણી આપી કરતો બેભાન
આ તાંત્રિકના ધતિંગો વિશે વાત કરીએ તો વિધીના બહાને લોકોને ધતૂરાનું પાણી પીવડાવીને અર્ધબેભાન કરતો હતો. જો કે સદનસીબે લોકોને તાંત્રિકના જુઠ્ઠાણાના ખબર પડતા ઠગ તાંત્રિકને પોલીસના હવાલે કરી દીધો. આ તાંત્રિકનુ નામ ભરત બાપુ છે. જે કચ્છના માધાપરનો રહેવાસી છે. પોલીસે ઠગ તાંત્રિકની ધરપકડ કરીને વધુ તપાસ હાથ ધરી છે.