અમેરિકામાં 24 કલાકમાં 2463 લોકોના મોત થયા છે. જ્યારે 25258 લોકો કોરોનાગ્રસ્ત છે. ત્યારે અહીં કુલ કેસની સંખ્યા 1,035,765 થઈ છે. તો મૃતકઆંત 60 હજારની નજીક પહોંચ્યો છે. એટલે કે મરનારનો આંક 59,266 છે. જ્યારે સાજા થનારનો આંક 142,238 છે. હાલ અમેરિકમાં એક્ટિવ કેસની સંખ્યા 834,261 છે. તેમજ અમેરિકા આવનાર તમામની તપાસ કરવામાં આવશે. ન્યૂયોર્કમાં કોરોનાગ્રસ્તની સંખ્યા 3 લાખથી વધારે છે અને 22 હજારથી વધારેના મોત થયા છે.
અમેરિકામાં આવનારની તપાસ કરવામાં આવશે
ટ્રમ્પે કહ્યુ, ચીનને લીધે 184 દેશો નરકમાંથી પસાર થઈ રહ્યા છે
24 કલાકમાં 2463 લોકોના મોત થયા
અમેરિકામાં આવનારની તપાસ કરવામાં આવશે
કોરોનાના અસરગ્રસ્ત દેશોમાંથી અમેરિકામાં આવનાર તમામની કોરોનાની તપાસ કરવામાં આવશે. અમેરિકાના રાષ્ટ્રપતિ ડોનાલ્ડ ટ્રમ્પે કહ્યું હતું કે અમે આ નિતી બનાવી રહ્યા છીએ. જેમાં અમે કેટલીક તપાસ કરીશું. આ યોજના માટે અમે એરલાયન્સ કંપની સાથે મળીને કામ કરીશું. અમેરિકામાં આવનાર વ્યક્તિએવિમાનમાં બેસતા પહેલા શરીરનું તાપમાન અને કોરોના વાઈરસની તપાસ કરાવવી પડશે. વધારે પ્રભાવિત દેશમાંથી આવનાર વ્યક્તિ ઉપર આ નિયમ લાગુ પડશે.
ભારતીય - અમેરિકન 3 ને ન્યૂ યોર્કને ખોલવા અને અર્થવ્યવસ્થા માટે નિયુક્ત કરાયા
અમેરિકામાં 3 ભારતીય અમેરિકનોને ન્યૂ યોર્કનું લોકડાફઉન ખોલવા અને વ્યાપારમાં મદદ કરવા માટે નિયુક્ત કરવામાં આવ્યા છે. માસ્ટરકાર્ડના સીઈઓ અજય બગાગ સહિત 3 પ્રતિષ્ઠિતોને ન્યૂયોર્કના ગવર્નર એન્ડ્યૂ ક્યૂમો દ્વારા સંગઠિત એક સલાહકાર બોર્ડમાં સભ્ય તરીકે નિયુક્ત કરવામાં આવ્યા છે.
અમેરિકાના ઉપ રાષ્ટ્રપતિ માઈક પેંસ માસ્ક નિયમો તોડતા નજરે પડ્યા છે. તેમને જાણે કોરોનાની ગંભીરતા ન હોય તેમ માસ્ક વગર દર્દીઓની મુલાકાત માટે હોસ્પિટલ પહોંચ્યા. હોસ્પિટલના નિયમ મુજબ માસ્ક અને પીપીઈ વાપરવું જરુરી છે. હોસ્પિટલે પહેલા જ આ પોલીસી અંગે તેમને જણાવ્યુ હતું. તેઓ પોતે વ્હાઈટ હાઉસની કોરોના ટાસ્ક ફોર્સનું નેતૃત્વ પણ કરે છે.
184 દેશો નરકમાંથી પસાર થઈ રહ્યા છે
ટ્રમ્પે વ્હાઈટ હાઉસમાં મંગળવારે કહ્યું કે ‘184 દેશોમાં જેમ કે તમે મને અનેકવાર સાંભળ્યો છે કે એ માનવુ મુશ્કેલ છે. આ અલ્પનીય છે. આને સ્ત્રોત એટલે કે ચીને તેને રોકવો જોઈતો હતો. પરંતુ એવું ન થયું. હવે 184 દેશો નરકમાંથી પસાર થઈ રહ્યા છે.’