આજે HSRP નંબર પ્લેટ બદલવાની અંતિમ તારીખ છે. જો સરકાર દ્વારા તારીખ લંબાવવામાં નહી આવે તો પહેલી ફેબ્રઆરીથી HSRP નંબર પ્લેટ નહીં લગાવનારને દંડ ભરવાનો વારો આવશે.
આરટીઓ દ્વારા HSRP નંબર પ્લેટ લગાવવા માટે આ અગાઉ પાંચ વાર અંતિમ તારીખમાં ફેરફાર કરાયો હતો. આમ આ સમયગાળા દરમિયાન અમદાવાદમાં 5.6 લાખ વડોદરામાં 7.65 લાખ રાજકોટમાં 6.6. લાખ અને સૌરાષ્ટ્રમાં 4.48 લાખ HSRP નંબર પ્લેટ બદલવામાં આવી છે.
ડિસેમ્બર મહિના સુધીમાં સુરતમાં 6.45 લાખ HSRP નંબર પ્લેટ લગાવવામાં આવી છે. વાહન ચાલકોને અવગડ ના પડે તે માટે રાજ્ય આરટીઓ દ્વારા પાંચ વખત અંતિમ તારીખમાં ફેરફાર કરવામાં આવ્યો હતો.
ત્યારે હજુ પણ એવા અનેક વાહન ચાલકો છે કે જેઓએ પોતાના વાહનની નંબર પ્લેટ બદલાવી નથી. આમ 1લી ફેબ્રુઆરી એટલે કે આવતીકાલથી આવા વાહનચાલકો સામે કાર્યવાહી હાથ ધરાશે.
આ વખતે વાહન વ્યવહાર વિભાગ અને ટ્રાફિક પોલીસ દ્વારા આ મામલે ગંભીરતાપૂર્વક કાર્યવાહી હાથ ધરવામાં આવશે અને નંબર પ્લેટ નહીં લગાડનારા સામે કાર્યવાહી હાથ ધરાશે.