વડોદરા / 2 દિવસથી ગુમ યુવતીનો મૃતદેહ મળી આવતા સમગ્ર પંથકમાં ચકચાર, પ્રેમ પ્રકરણમાં હત્યાની આશંકા

• વડોદરામાં 2 દિવસથી ગુમ યુવતીનો મળ્યો મૃતદેહ
• યુવતીની હત્યા કરેલી હાલતમાં મળ્યો મૃતદેહ
• માજલપુરની 20 વર્ષની યુવતી 2 દિવસથી હતી ગુમ

છેલ્લા ઘણા સમયથી  વડોદરામાં ગુનાખોરીનું પ્રમાણ વધી રહ્યું છે.  હત્યા, તોફાન અને ગેંગરેપ જેવી ઘટનાઓ વધી રહી છે. ત્યારે છેલ્લા બે દિવસથી ગુમ થયેલી યુવતીનો મૃતદેહ મળી આવતા ચકચાર મચી છે. યુવતીની હત્યા કરેલી હાલતમાં મૃતદેહ મળી આવ્યો.એક તરફી પ્રેમમાં પાગલ યુવાને તૃષાની વડોદરા નજીક ક્રૂર હત્યા કરી હતી. આ બનાવ હજુ લોકોના માનસ ઉપરથી દૂર થયો નથી. ત્યાં વધુ એક યુવતીની પ્રેમ પ્રકરણની આશંકામાં હત્યા થઇ હોવાનું સામે આવ્યુ છે. ભોગ બની છે. 

2 દિવસથી ગુમ યુવતીનો મળ્યો મૃતદેહ

વડોદરાના માંજલપુરની 20 વર્ષની યુવતી 2 દિવસથી ગુમ હતી. આ અંગે પરિવારજનોએ પોલીસ ફરિયાદ નોંધાવી હતી. તિલકવાડા પોલીસે હત્યાનો ભેદ ઉકેલવા તપાસ હાથ ધરી હતી. પોલીસે આ મામલે કાર્યવાહી હાથ તિલકવાડા ખાતેથી  યુવતીનો હત્યા કરાયેલી હાલતમાં મૃતદેહ મળી આવ્યો. એક તરફી પ્રેમમાં યુવતીની હત્યા થઈ હોવાની આશંકા સેવાઇ રહી છે.  ઘટનાને પગલે પરિવારમાં દુઃખની લાગણી જોવા મળી રહી છે. વ્હાલસોયી દિકરીનો મૃતદેહ મળી આવતા પરિવારના માથે આભ તૂટી પડ્યુ છે. 

'હું સંદિપ સાથે છું' યુવતીએ કર્યો હતો મેસેજ

યુવતીની હત્યા અંગે ચોક્કસ કારણ સામે આવ્યુ નથી.  પરંતુ યુવતીએ પિતરાઈ બહેનને વોટ્સએપ પર મેસેજ કર્યો હતો. તેણે મેસેજમાં જણાવ્યું હતું કે  હું સંદીપ સાથે છું. ચિંતા કરશો નહીં. હું રવિવારે સાંજ સુધીમાં ઘરે આવી જઇશ. આ મેસેજને પગલે પ્રેમ પ્રકરણમાં હત્યા થઇ હોવાની આશંકા સેવાઇ રહી છે. જુના પાદરા રોડ ઉપર રહેતા સંદીપ મકવાણા નામના યુવાન સાથે આ યુવતી બહાર ગઇ હોવાનું  પ્રાથમિક તપાસમાં બહાર આવ્યું છે. ત્યારે યુવતીના હત્યારાને સકંજામાં લેવા પોલીસે કડક કામગીરી હાથ ધરી છે. માજલપુર વિધાનસભા મત વિસ્તારના ધારાસભ્ય યોગેશ પટેલ કોલ્ડરૂમ ઉપર પહોંચી ગયા હતા.

ગળું દબાવી અને ડામ આપીને હત્યા

પોલીસની પ્રાથમિક તપાસમાં યુવતીનું ગળુ દબાવીને તેમજ ડામ આપીને હત્યા કરી હોવાનું સામે આવ્યુ છે. જો કે સાચુ કારણ તો પીએમ રિપોર્ટ બાદ જ સામે આવશે. મહત્વનું છે કે  માંજલપુર વિસ્તારના કોંગ્રેસના પૂર્વ કાઉન્સિલર ચિરાગ ઝવેરીએ જણાવ્યું હતું કે, યુવતી પરિવારની એકની એક દીકરી હતી. તેને તાજેતરમાં ગુજરાત માધ્યમિક શિક્ષણ બોર્ડ દ્વારા લેવામાં આવેલી ધોરણ 12ની પરીક્ષા આપી હતી. બે દિવસ પહેલા તે ઘરેથી નીકળી ગઈ હતી. જેથી પરિવારજનો દ્વારા માંજલપુર પોલીસ સ્ટેશનમાં દીકરી ગુમ થયાની અરજી પણ આપવામાં આવી હતી.

મીરાનો મોબાઇલ ગુમ

તિલકવાડા પોલીસ દ્વારા હત્યાનો ભેદ ઉકેલવા માટે તપાસ શરૂ કરી દીધી છે. યુવતીનો મોબાઇલ ફોન પણ ગાયબ છે. આ સાથે વડોદરા માંજલપુર પોલીસ દ્વારા પણ હત્યા કેસની તપાસ શરૂ કરવામાં આવી છે.