ગુજરાત / મહેસાણા નસબંધી કાંડમાં વધુ એક લાલિયાવાડી, DDOની તપાસમાં થયો ચોંકાવનારો ખુલાસો

મહેસાણામાં નસબંધીકાંડમાં વધુ એક વખત સરકારી બાબુઓની લાલિયાવાડી સામે આવી છે. જેમાં DDO ની તપાસમાં આરોગ્યકેન્દ્રમાં સ્ટાફની ગેરહાજરી જોવા મળી હતી. જિલ્લાના નંદાસણ આરોગ્ય કેન્દ્રમાં તબીબ, ટેકનિશિયન, ફિઝિયોથેરાપીસ્ટ, સુપ્રિન્ટેન્ડન્ટ સહિતનો સ્ટાફ ગેરહાજર જોવા મળ્યો હતો. જ્યારે કુંડાળ હોસ્પિટલમાં પણ સ્ટાફ ગેરહાજર જોવા મળ્યો હતો. આરોગ્ય કેન્દ્રમાં લાલિયાવાડીના કારણે લોકોને ભારે હાલાકીનો સામનો કરવો પડ્યો છે.આ મામલે લોકોની ફરિયાદ બાદ PHCના સ્ટાફને આરોગ્ય અધિકારી નોટિસ ફટકારવામાં આવશે, તેમજ કાર્યસમયે ગેરહાજરી બદલ સ્ટાફનો ખુલાસો માંગવામાં આવશે.

યુવાનની જાણ બહાર નસબંધીનું ઓપરેશન કરી દેવાયાનો આક્ષેપ

ખ્યાતિ કાંડની તપાસ હજુ ચાલી રહી છે તે વાત હજુ સમી નથી ત્યાં તો વધુ એક તબીબી સેવાને કલંકિત કરતી ઘટના સામે આવી છે. ભોગ બનનાર યુવકએ આક્ષેપ કર્યો છે કે, તેની જાણ બહાર તેને દારૂ પીવડાવીને 29 નવેમ્બરે અડાલજ સામૂહિક આરોગ્ય કેન્દ્ર ખાતે નસબંધીનું ઓપરેશન કરવામાં આવ્યું છે. ઓપરેશન માટે અડાલજ સામૂહિક કેન્દ્રના ઓપરેશન થિયેટરનો ઉપયોગ કરાયોની વાત પણ સામે આવી છે.

વધુ વાંચો : હજુય ગુજરાતમાં વધશે ઠંડીનું જોર, 6.4 ડિગ્રી તાપમાન સાથે નલિયા બન્યું સૌથી ઠંડુ શહેર

નસબંધીકાંડમા સામુહિક કેન્દ્રના ઈન્ચાર્જ અધિક્ષકએ શું કહ્યું ?

અડાલજ સામુહિક કેન્દ્રના ઈન્ચાર્જ અધિક્ષક ડૉ નિરાલી ગૌધાણીએ જણાવ્યું કે NSV પખવાડીયા અંતર્ગત દરેક જગ્યાએ કેમ્પ થતાં હોય છે જેમાં અમારો રોલ ફક્ત ઓટી પ્રોવાઈડ કરવાનો હોય છે તેમજ ઓપરેશન કરવા સર્જન પણ જિલ્લા કક્ષાએથી આવતા હોય છે. વધુમાં કહ્યું કે, જેમનો ઓપરેશન 29 નવેમ્બરના રોજ થયો હતો, જો કે, કેટલાક આક્ષેપો થયા છે જે અમને અત્યારે જ ખબર પડી છે, ત્યારે આ અનુંસાધાને આગળથી તપાસ થશે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ