દાવો / દીકરીઓ હજુ પણ ઈલાજમાં જાતિય અસમાનતાનો કરી રહી છે સામનો

ખાસ કરીને નાની ઉંમરની દિકરીઓએ ઈલાજમાં જાતિય અસામનતાનો સામનો કરવો પડે છે. એઈમ્સ દ્વારા કરાયેલા અભ્યાસમાં આ ચોંકાવનારી વાત સામે આવી છે. આ અભ્યાસ હાલમાં બ્રિટિશ મેડિકલ જર્નલમાં પણ પ્રકાશિત થયો છે.

એઈમ્સના ડોકટરોએ દાવો કર્યો છે કે પહેલીવાર ઈલાજમાં અસામનાતને લઇને દેશમાં મોટા સ્તરે અભ્યાસ થયો છે. આ અભ્યાસ વર્ષ 2016માં સંસ્થાની ઓપીડીમાં ઇલાજ માટે પહોંચેલા કુલ દર્દીઓ અને દેશની આબાદીના પ્રમાણમાં વિશ્લેષણ કરીને કરવામાં આવ્યો છે. અભ્યાસ દરમિયાન જાણવા મળ્યુ કે ઓપીડીમાં ઇલાજ માટે પહોંચેલા દર્દીઓમાં 63 ટકા પુરુષ (14 લાખ 95 હજાર 444) અને માત્ર 37 ટકા મહિલાઓ (આઠ લાખ 21 હજાર 280) હતી. આ રીતે પુરુષો અને મહિલાઓના ઇલાજનો રેશિયો 1.69 આવ્યો.

વર્ષ 2011ની વસ્તી ગણતરી મુજબ સ્ત્રી પુરુષનો જે રેશિયો છે તે અને જેટલી સંખ્યામાં પુરુષ દર્દી ઇલાજ માટે પહોંચ્યા તે અનુસાર કુલ 12 લાખ 24 હજાર મહિલાઓએ ઇલાજ માટે પહોંચવાનું હતું. આ રીતે 4 લાખ 2 હજાર 772 મહિલાઓ ઇલાજ માટે પહોંચી ન હતી. એઈમ્સના કાર્ડિયોલોજી વિભાગના પ્રોફેસર ડૉ. અંબુજ રોયે કહ્યુ કે, પુરુષોની સરખામણીમાં બહુ ઓછી મહિલાઓ હોસ્પિટલ પહોંચે છે. અભ્યાસમાં જાણવા મળ્યુ કે લગભગ 49 ટકા મહિલાઓ હોસ્પિટલ પહોંચી ન હતી.

ડૉ. અંબુજ રોયે જણાવ્યુ કે એઈમ્સમાં 90 ટકા દર્દી ચાર રાજ્યો દિલ્હી, હરિયાણા, ઉત્તર પ્રદેશ અને બિહારથી પહોંચે છે. આ તમામ રાજ્યોમાં સ્ત્રી-પુરુષ દર્દીઓના રેશિયોમાં ખુબ અંતર જોવા મળ્યુ. બિહાર અને ઉત્તરપ્રદેશની બાબતમાં સ્થિતિ વધુ ખરાબ છે, કેમકે આ બંને રાજ્યો દિલ્હીથી દુર છે. આ આંકડા સાબિત કરે છે કે ગંભીર બીમારી થાય ત્યારે પણ પુરુષોની સરખામણીએ સ્ત્રીઓ ઈલાજ માટે ઓછી પહોંચે છે.