યુએસ પ્રમુખ ટ્રમ્પની ચૂંટણી પરિણામોને ન માણવાની અને આગળની કાયદાકીય કાર્યવાહી કરવાની જિદને લઈને હવે તેમનો પરિવાર જ તેમનાથી નારાજ છે તેવુ સામે આવ્યું છે, સૂત્રોની વાત જો સાચી માનીએ તો ટ્રમ્પના જમાઈ જેરેડ કુશનર ઈચ્છે છે કે ટ્રમ્પ હાર સ્વીકારી ચૂંટણી પરિણામોને માની લે.
યુએસ પ્રમુખ ટ્રમ્પના વલણથી પરિવાર નારાજ
પુત્રી, જમાઈ અને પત્ની ઈચ્છે છે કે ટ્રમ્પ જીદ છોડી દે
જમાઈ કુશનરે વ્હાઇટ હાઉસમાં ટ્રમ્પ સાથે કરી હતી મુલાકાત
યુએસ પ્રમુખ ડોનાલ્ડ ટ્રમ્પના જમાઈ અને તેમના વરિષ્ઠ સલાહકાર જેરેડ કુશનર એ ચૂંટણીને લઈને મીડિયા સાથે વાત કરી હતી. રવિવારે મીડિયા અહેવાલોમાં આ વાત કહેવામાં આવી છે કે ટ્રમ્પના જમાઈ અને દીકરી ઈચ્છે છે કે તેઓ ચૂંટણી પરિણામોને સ્વીકારી લે.
ટ્રમ્પે આપ્યું હતું વિવાદિત નિવેદન
નોંધનીય છે કે ટ્રમ્પે અગાઉ એક નિવેદનમાં કહ્યું હતું કે બાયડન પોતાને ઉતાવળમાં ખોટી રીતે વિજેતા ગણાવી રહ્યા છે અનેર ચૂંટણી પ્રક્રિયા હજુ સુધી પૂર્ણ થઈ નથી.
ટ્રમ્પના જમાઈ જેરેડ કુશનર આ નિવેદન બાદ તેમની સાથે મુલાકાત કરવા માટે વ્હાઇટ હાઉસ પહોંચ્યા હતા. સૂત્રોની વાત માનીએ તો ટ્રમ્પના જમાઈ કુશનર અને પત્ની મેલાનિયા ઈચ્છે છે કે ડોનાલ્ડ ટ્રમ્પ તેની હાર સ્વીકારી લે. આ બાબતે કુશનરે ડોનાલ્ડ ટ્રમ્પ સાથે મુલાકાત કતરી હતી , પરંતુ તેમણે સફળતા મળી નહોતી. મહત્વનું છે કે ટ્રમ્પ આ મામલે કંઈપણ સાંભળવા તૈયાર નથી.
એવું પણ કહેવામાં આવી રહ્યું છે કે પુત્રી ઇવાન્કા ટ્રમ્પ પણ તેના પિતાના આવા વલણથી નારાજ થઈ છે અને આ મામલે પિતાની તરફેણ નથી કરી રહી. એવા અહેવાલ પણ છે કે ટ્રમ્પની પત્ની અને ફર્સ્ટ લેડી મેલાનિયા ટ્રમ્પ પણ ઈચ્છે છે કે ટ્રમ્પ હાર સ્વીકારી લે.
હજુ સુધી બાયડન અને ટ્રમ્પ વચ્ચે વાતચીત થઈ નથી
જો બિડેન અને કમલા હેરિસના ચૂંટણી પ્રચારના નાયબ અભિયાન મેનેજર કેટ બેડિંગફિલ્ડે જણાવ્યું હતું કે બિડેન અને ટ્રમ્પ વચ્ચે કોઈ વાતચીત થઈ નથી, અથવા બંને પ્રતિનિધિઓ વચ્ચે કોઈ વાતચીત થઈ નથી.
અમેરિકી મીડિયા CNN એ બે અનામી સ્રોતોને ટાંકીને જણાવ્યું છે કે કુશનરે હાર સ્વીકારવા અંગે ટ્રમ્પનો સંપર્ક કર્યો છે. એસોસિએટેડ પ્રેસે રવિવારે પણ અહેવાલ આપ્યો હતો કે કુશનેરે રાષ્ટ્રપતિને ચૂંટણી પરિણામો સ્વીકારવાની વિનંતી કરી હતી.
બાયડન લેશે 20 જાન્યુઆરી રાષ્ટ્રપતિ પદના શપથ
સાથે જ એક અન્ય મીડીયા હાઉસ ફોક્સ ન્યૂઝે બે સ્ત્રોતોને ટાંકીને કહ્યું છે કે, જો ટ્રમ્પનું ચૂંટણી અભિયાન હાલના પરિણામોને બદલવામાં અસફળ રહે છે, તો તેઓ શાંતિપૂર્ણ રીતે સત્તાનું હસ્તાંતરણ કરશે.
ટ્રમ્પે હાર સ્વીકાર ન કરી હોય તો પણ, 20 જાન્યુઆરી 2021 ના રોજ બાયડનને રાષ્ટ્રપતિ પદ સંભાળતાં અટકાવવામાં આવશે નહીં. બાયડન ના ઝુંબેશના વરિષ્ઠ સલાહકાર સિમોન સેન્ડર્સે પત્રકારોને જણાવ્યું હતું કે ડોનાલ્ડ ટ્રમ્પ ને ચૂંટણીમાં વિજેતા નક્કી કરવાનો અધિકાર નથી. વોઇસ ઓફ અમેરિકાએ સેન્ડર્સને ટાંકીને જણાવ્યું છે કે, "લોકો નિર્ણય કરે છે, દેશના મતદારો નિર્ણય લે છે અને મતદારોએ ખૂબ સ્પષ્ટ રીતે તેમની પસંદગી કરી લીધી છે."