ડબલ હિટ / ફુગાવાએ તોડ્યો 15 મહિનાનો રેકોર્ડ, એપ્રિલની સરખામણીએ મોંઘવારીનો દર થયો બમણો

જથ્થાબંધ ભાવ સૂચકાંક (WPI) દ્વારા આજે ડેટા જાહેર કરવામાં આવ્યો છે. આ આંકડાઓએ જથ્થાબંધ ફુગાવાના દરમાં વધારો દર્શાવ્યો છે. આ વધારો 15 મહિનાના સર્વોચ્ચ સ્તરે પહોંચી ગયો છે. મે 2024ની વાત કરીએ તો જથ્થાબંધ મોંઘવારી દર ઘટીને 2.61 ટકા પર આવી ગયો છે. જો અગાઉની વાત કરીએ તો એપ્રિલ 2024માં જથ્થાબંધ મોંઘવારી દર 1.26 ટકા હતો. જો આપણે એક વર્ષ પહેલાની વાત કરીએ તો મે 2023માં આ દર -3.8 ટકા હતો. આજે જાહેર કરવામાં આવેલ આ ડેટા ફેબ્રુઆરી 2023 પછી સૌથી વધુ છે. એપ્રિલની સરખામણીએ મે મહિનામાં તેમાં બમણો વધારો થયો છે અને તે એકંદરે 15 મહિનાની ટોચે પહોંચી ગયો છે. આવનારા સમયમાં જથ્થાબંધ મોંઘવારીની અસર દેશના સામાન્ય લોકો અને છૂટક બજાર પર જોવા મળે તેવી શકયતા છે, ત્યારે જોવાનું રહેશે કે આરબીઆઈ આ અંગે શું નિર્ણય લે છે.

શાકભાજીના ભાવે લોકોને હેરાન કર્યા

ખાદ્ય ચીજવસ્તુઓ ખાસ કરીને શાકભાજી અને ઉત્પાદિત ચીજવસ્તુઓના ભાવમાં ભારે વધારાને કારણે મે મહિનામાં જથ્થાબંધ મોંઘવારી દર વધીને 2.61 ટકા થયો છે. ગયા વર્ષે મે મહિનામાં આ દર શૂન્યથી નીચે -3.61 ટકા હતો. જો WPI ડેટાનું માનીએ તો મે મહિનામાં ફુગાવાનો દર 9.82 ટકા વધ્યો છે. જ્યારે એપ્રિલમાં આ દર 7.74 ટકા હતો. મે મહિનાની વાત કરીએ તો શાકભાજીનો મોંઘવારી દર 32.42 ટકા હતો. એપ્રિલમાં આ દર 23.60 ટકા હતો. ડુંગળીની વાત કરીએ તો મોંઘવારી દર 58.05 ટકા છે, બટાકાનો મોંઘવારી દર 64.05 ટકા છે. જો કઠોળના ફુગાવાના દરની વાત કરીએ તો તે 21.95 ટકા છે.

વાણિજ્ય અને ઉદ્યોગ મંત્રાલયે શુક્રવારે મે મહિના માટે WPI ફુગાવાના આંકડા જાહેર કર્યા છે. આમાં ખાદ્ય મોંઘવારીના આંકડા પણ સામે આવ્યા છે. ડેટા અનુસાર, ખાદ્ય ચીજોનો મોંઘવારી દર મે મહિનામાં 9.82 ટકા હતો, જ્યારે એપ્રિલમાં તે 7.74 ટકા હતો. સૌથી વધુ મોંઘવારી દાળના ભાવમાં જોવા મળી છે. મે મહિનામાં કઠોળનો મોંઘવારી દર 21.95 ટકા હતો.

વધુ વાંચો : સોનાના ભાવ પિગળ્યાં! ચાંદીની ચમક પણ થઈ ઓછી, જાણો ગોલ્ડ-સિલ્વરના લેટેસ્ટ રેટ

ઈંધણથી લઈને વીજળી સુધી મોંઘું

મે મહિનામાં ઈંધણ એટલે કે પેટ્રોલ-ડીઝલથી લઈને મોંઘી વીજળીના ભાવે સામાન્ય માણસના ખિસ્સા પર માઠી અસર કરી છે. ઇંધણ અને વીજળી ક્ષેત્રનો ફુગાવાનો દર મે મહિનામાં 1.35 ટકા હતો. આ સિવાય ઉત્પાદિત ઉત્પાદનોની શ્રેણીમાં મોંઘવારી દર 0.78 ટકા રહ્યો છે. સમજવા જેવી વાત એ છે કે મે મહિનામાં જથ્થાબંધ ફુગાવાના આંકડા તે જ મહિનાના છૂટક ફુગાવાના આંકડાથી વિપરીત છે. રિટેલ ફુગાવાનો દર મે મહિનામાં ઘટીને 4.75 ટકા થયો હતો, જે એક વર્ષમાં સૌથી નીચો સ્તર છે. રિઝર્વ બેંક ઓફ ઈન્ડિયા (RBI) તેની નાણાકીય નીતિ ઘડતી વખતે મુખ્યત્વે છૂટક ફુગાવાને ધ્યાનમાં રાખે છે.