પ્રેરણાદાયક / મજૂરી કરી પેટિયું રળતા શ્રમિકનો દીકરો વિદેશ જઈ કરશે અભ્યાસ, 2.5 કરોડ રૂપિયાની સ્કોલરશીપ મળી

• અમેરિકાના પ્રતિષ્ઠિત લાફાયેટ કોલેજ દ્વારા 2.5 કરોડની સ્કોલરશીપ મળી
• લાફાયેટ કોલેજ અમેરિકાની ટોપ 25 કોલેજમાંથી એક છે. 
• પ્રેમ કુમાર ભારતના એક માત્ર એવા સ્ટુડન્ટ છે જેને આ ઉપલબ્ધિ મળી

વિદેશમાં જઈને ભણવું અને કઇંક બનવું એ દરેક ભારતીય સ્ટુડન્ટનું સપનું હોય છે પણ દરેક સ્ટુડન્ટ એમનું આ સપનું પૂરું નથી કરી શકતા કારણે કે વિદેશમાં ભણવા માટે ઘણો ખર્ચો થાય છે. દરેક માતા-પિતા આર્થિક રીતે આટલા સક્ષમ નથી હોતા કે આટલો ખર્ચો કરીને એમના બાળકોને વિદેશ ભણવા માટે મોકલી શકે અને દરેક સ્ટુડન્ટ આટલા હોશિયાર નથી હોતા કે સ્કૉલરશીપ મેળવીને વિદેશ ભણવા જઈ શકે. પણ અમુક સ્ટુડન્ટ એવ હોય છે કે જેની પ્રતિભા દેશ-વિદેશ સુધી પંહોચી જતી હોય છે. 

આજે અમે તમને એક એવા જ સ્ટુડન્ટ વિશે જણાવવા જઈ રહ્યા છીએ જેની કહાની સાંભળીને તમે પણ ચોંકી જશો. બિહારના એક નાના ગામગોનપુરના રહેવાસી અને મજૂરી કામ કરનારના દીકરા પ્રેમ કુમારને અમેરિકાના પ્રતિષ્ઠિત લાફાયેટ કોલેજ દ્વારા 2.5 કરોડની સ્કોલરશીપ મળી છે. પ્રેમ કુમારને તેની ગ્રજયુએશન ડિગ્રી મેળવવા માટે 2.5 કરોડની સ્કોલરશીપ મળી. પ્રેમ કુમાર ભારતના એક માત્ર એવા સ્ટુડન્ટ છે જેને આ ઉપલબ્ધિ મળી છે. લાફાયેટ કોલેજ અમેરિકાની ટોપ 25 કોલેજમાંથી એક છે. 

પ્રેમ એમના પરિવારના પહેલા સભ્ય હશે જે કોલેજ જઈ રહ્યા છે. હાલ તે શોષિત સમાધાન કેન્દ્રમાં 12 ધોરણમાં ભણી રહ્યો છે. અમેરિકામાં પ્રેમ ચાર વર્ષ મેકેનિકલ ઇનજીનયરિંગ અને આંતરરાષ્ટ્રીય સંબંધનો કોર્સ કરશે. આ સ્કૉલરશીપમાં કોલેજની અંદર ભણવાથી લઈને રહેવું, ખાવું-પીવું, ટ્યુશન ફી, વીમો અને આવવા-જવાનો બધો ખર્ચો શામેલ છે. 

આ સ્કૉલરશીપ દુનિયાના દરેક દેશમાંથી ફક્ત 6 સ્ટુડન્ટને મળી છે. આ સ્કૉલરશીપનું નામ છે ડાયર ફેલોશિપ. આ સ્કૉલરશીપ અમુક સ્ટુડન્ટ્સને મળે છે જે અઘરી થી અઘરી સમસ્યાનું સમાધાન લઈ આવવા માટે સક્ષમ હોય છે અને એમાંથી એક છે બિહારના પ્રેમ કુમાર. પ્રેમને રાષ્ટ્રીય સંગઠન ડેક્સટેરિટી દ્વારા ઓળખવવામાં આવ્યો હતો. ડેક્સટેરિટી ગ્લોબલ સંસ્થાન છે જે દલિત બાળકો માટે કામ કરે છે.  વર્ષ 2013માં એમને આ કામ શરૂ કર્યું હતું.