સલામ / ICUમાંથી સીધો મૅચ રમવા પહોંચ્યો હતો આ પાક. ક્રિકેટર, ટીમ માટે રનનો કરી દીધો ખડકલો

• ICUમાંથી સેમીફાઇનલ રમવા પહોંચ્યો
• મૅચ હાર્યા પણ દિલ જીતી લીધા
• દિગ્ગજોએ પ્રશંસાના પૂલ બાંધ્યા

ઓસ્ટ્રેલિયાએ પાકિસ્તાનને કર્યું પરાસ્ત
પાકિસ્તાનની ટીમને ગુરુવારે ઓસ્ટ્રેલિયા સામે હાર મળી હતી. ટીમે પહેલા બેટિંગ કરતાં 4 વિકેટ પર 176 રનનો લક્ષ્ય ઓસ્ટ્રેલિયા સામે મૂક્યો હતો. આ સ્કોરમાં પોતાનું મહત્વનું યોગદાન આપનાર મોહમ્મદ રિઝવાને 67 રન બનાવ્યા હતા. કમાલની વાત તો તે છે કે તે સ્વસ્થ નહોતો તેમ છતાં તેણે આટલા રન બનાવ્યા હતા. 

Mohammad Rizwan in hospital the night before the match against Australia. He had developed a severe chest infection and spent 2 nights in the ICU #T20WorldCup #PAKvAUS pic.twitter.com/E7qbcxdJmg

— Saj Sadiq (@SajSadiqCricket) November 11, 2021

2 દિવસ ICUમાં હતો રિઝવાન
સેમીફાઇનલમાં ઉતરતા પહેલા રિઝવાન 2 રાત સુધી ICUમાં દાખલ હતો. તેને છાતીમાં ઇન્ફેક્શન થઇ ગયુ હતુ અને મૅચની આગલી રાતે પણ તે ICUમાં જ હતો. ગુરુવારે સવારે આ વાતની ઘોષણા થઇ કે તે સ્વસ્થ છે અને મૅચ રમશે. 

રિઝવાને મેચમાં એન્ટ્રી કરીને રેકોર્ડ બનાવ્યો હતો 

મોહમ્મદ રિઝવાને આ મેચમાં 52 બોલનો સામનો કરીને 67 રનની ઈનિંગ રમી હતી. આ દરમિયાન તેણે એક કેલેન્ડર વર્ષમાં ટી-20 ઈન્ટરનેશનલમાં 1000 રન પૂરા કર્યા. આ કારનામું કરનાર તે વિશ્વનો પ્રથમ બેટ્સમેન છે. આ વર્ષે મોહમ્મદ રિઝવાને 23 ટી-20 મેચ રમીને 1033 રન બનાવ્યા છે. બીજા નંબર પર પાકિસ્તાનનો બાબર આઝમ છે. જેણે એટલી જ મેચોમાં 826 રન બનાવ્યા છે. અત્યાર સુધી, આ T20 ઇન્ટરનેશનલમાં એક કેલેન્ડર વર્ષમાં સૌથી વધુ રન બનાવનાર બે બેટ્સમેન છે.

Can you imagine this guy played for his country today & gave his best.
He was in the hospital last two days.
Massive respect @iMRizwanPak .
Hero. pic.twitter.com/kdpYukcm5I

— Shoaib Akhtar (@shoaib100mph) November 11, 2021

સમગ્ર વર્લ્ડકપમાં રિઝવાને શાનદાર બેટિંગ કરી હતી. 

પાકિસ્તાનની વિકેટ કીપર બેટ્સમેન મોહમ્મદ રિઝવાને આ સમગ્ર વિશ્વ કપમાં શાનદાર બેટિંગ કરી છે. તેણે ભારત સામે પ્રથમ મેચમાં  અણનમ 79 રન બનાવ્યા હતાં. તેણે આ વર્લ્ડકપમાં 6 મેચ રમીને 281 રન બનાવ્યા છે.