ગુજરાત / 11 મહિનાથી બંધ કોર્ટની કામગીરી આ તારીખથી શરૂ થશે, HCનો સર્ક્યુલેશન

• 1 માર્ચથી રાજ્યની નીચલી કોર્ટ શરૂ થશે
• ગુજરાત હાઈકોર્ટે નીચલી કોર્ટ માટે SOP જારી કરી
• કન્ટેઈન્મેન્ટ ઝોન સિવાયના વિસ્તારની નીચલી કોર્ટ શરૂ થશે

કોરોના મહામારીમાં તમામ વિભાગોને અસર થઈ રહી છે. ત્યારે રાજ્યની તમામ કોર્ટમાં પણ ફિઝિકલ પ્રક્રિયાને બંધ કરી દેવાઈ હતી. જે બાદ હવે હાઈકોર્ટ દ્વારા નવો સર્ક્યુલર જાહેર કરાયો છે. જેમાં 1 માર્ચથી રાજ્યની નીચલી કોર્ટ શરૂ કરવાની વાત કરવામાં આવી છે. ગુજરાત હાઈકોર્ટે નીચલી કોર્ટ માટે SOP કરી છે. તો સાથે આ સર્ક્યુલરમાં એ વાતનો પણ ઉલ્લેખ કરાયો છે કે, કન્ટેનમેન્ટ વિસ્તારો સિવાયની નીચલી કોર્ટ શરૂ કરવામાં આવશે. કોરોના કાળના કારણે છેલ્લા 11 મહિનાથી કોર્ટોની કાર્યવાહી બંધ હતી. 

મહત્વનું છે કે, લોકડાઉન ઉઠાવી લેવા અથવા આંશિક લોકડાઉન બાદ સરકારના અનેક પ્રકલ્પો શરૂ થઈ ચૂક્યા છે. પરંતુ કોર્ટની કામગીરીઓ હજુ શરૂ થઈ નથી. જેને લઈ અનેક જિલ્લાઓમાં વકીલો દ્વારા વિરોધ પણ નોંધાવવામાં આવ્યો હતો. કોરોના સંક્રમણને ધ્યાનમાં રાખીને સરકાર દ્વારા કોર્ટની ફિઝિકલ કાર્યવાહી બંધ કરી હતી. જેના કારણે થોડા સમય અગાઉ બરોડા બાર એસોસિએશન દ્વારા કોર્ટની ફિઝિકલ કામગીરી શરૂ કરવાની માગ સાથે કોર્ટના પ્રાંગણ બહાર પ્રતીક ઉપવાસની શરૂ કર્યા હતા.