જુલાઈ 2020માં બિહારમાં એક દુષ્કર્મનો કેસ સામે આવ્યો હતો. આ કેસમાં એક પિતાએ તેની સગીર દિકરીને વારંવાર હવસનો શિકાર બનાવી હતી જેથી સગીરાને ગર્ભ રહી ગયો હતો. આ કેસમાં કોર્ટે આરોપીને આજીવન કેદની સજા ફટકારી છે.
સગીર દિકરી સાથે પિતાએ અવાર નવાર દુષ્કર્મ આચર્યું
સગીરાને ગર્ભ રહી જતા સમગ્ર મામલો સામે આવ્યો હતો
હવસખોર પિતાને કોર્ટે આજીવન કેદની સજા ફટકારી
જુલાઈ 2020માં બિહારમાં એક દુષ્કર્મનો બનાવ બન્યો હતો. જેમા એક પિતાએ જ તેની સગીર દિકરી સાથે દુષ્કર્મ આચર્યુ હતું. વાત માત્ર આટલેથી નથી અટકતી કારણકે હવસખોર પિતાએ એક વાર નહી પરંતુ વારંવાર તેની દિકરીને હવસનો શિકાર બનાવી હતી જેના કારણે સગીર દિકરીને ગર્ભ રહી ગયો હતો.
કોર્ટનો નિર્ણય સૌ કોઈએ આવકાર્યો
સગીરાની માતાને આ મામલે જાણ થતાજ તેણે આરોપી પિતા સામે ફરિયાદ નોંધાવી હતી જેથી ઘટનાની ગંભીરતાને ધ્યાનમાં રાખીને પોલીસે પણ હવસખોર પિતાને ઝડપી પાડ્યો હતો. આ મામલે બિહારના ગયાની કોર્ટમાં આરોપી પિતા સામે કેસ ચાલી રહ્યો હતો જે મામલે કોર્ટે હવે જે ચુકાદો આપ્યો તે પણ ચોંકાવનારો છે.
હવસખોર પિતાને આજીવન કેદની સજા
કોર્ટ દ્વારા હવસખોર પિતાને આજીવન કારાવાસની સજા આપવામાં આવી છે. સાથેજ કોર્ટે એવું પણ કહ્યું કે જ્યા સુધી આરોપીના શ્વાસ ચાલશે ત્યા સુધી તેણે જેલના સળીયા ગણવા પડશે. જેથી કોર્ટના આ નિર્ણયને સૌ કોઈએ આવકાર્યો છે.
વીડિયો કોન્ફરન્સ દ્વારા સુનાવણી હાથ ધરાઈ
ગત ગુરુવારે સિવિલ કોર્ટે વીડિયો કોન્ફરન્સીંગ દ્વારા સુનાવણી હાથ ધરી હતી. જેમા કોર્ટ દ્વારા આરોપીને આજીવન કારાવાસની સજા ફટકારવામાં આવી છે. સાથેજ તેને 35 હજારનો દંડ પણ ફટકારવામાં આવ્યો છે. જેથી લોકોએ પણ કોર્ટના આ નિર્ણયને આવકાર્યો છે.
સગીરા ગર્ભવતી થતા સમગ્ર મામલા સામે આવ્યો
ઉલ્લેખનીય છે કે હવસખોર પિતાએ સગીર દિકરી સાથે દુષ્કર્મતો આચર્યું હતું પરંતુ જ્યારે તેને ગર્ભ રહી ગયો ત્યારે બળજબરીથી તેનો ગર્ભપાત પણ કરાવ્યો હતો. આ દિકરીની માતાએજ આરોપી પિતા સામે કેસ દાખલ કર્યો હતો. આ મામલે કોર્ટમાં દિવસભર સુનાવણી હાથ ધરવામાં આવી અને અંતે કોર્ટ દ્વારા તેને આજીવન કારાવાસની સજા ફટકારવામાં આવી છે.