ચીન અને તાઈવાન વચ્ચે તણાવ વધી રહ્યો છે. ચીને તાજેતરમાં તાઈવાનના સંરક્ષણ એર સ્પેસમાં 38 ફાઈટર એરક્રાફ્ટ ઉડાવ્યાં હતાં. આ અંગે તાઈવાનના રાષ્ટ્રપતિ ચેતવણી આપી છે
તાઈવાનના રાષ્ટ્રપતિએ ત્સાઈ ઈંગ વેને ચીનને ચેતવણી આપી
ચીન તાઈવાન પર સતત કબ્જો કરવાની કોશિષ કરી રહ્યું છે
જેમાં તેમણે ચેતવણી આપી છે કે, જો ચીને તાઈવાન પર કબજો કર્યો તો તેના સમગ્ર એશિયામાં ગંભીર અને વિનાશક પરિણામો આવશે. તાઈવાનના રાષ્ટ્રપતિએ તાજેતરમાં એક નિવેદન આપ્યું છે જેમાં તેમણે કહ્યું છે કે, તાઈવાન લશ્કરી મુકાબલો ઈચ્છતો નથી, પરંતુ તાઈવાન પોતાને બચાવવા માટે જે કરવાનું હોય તે કરવાનું ચૂકશે નહી. મહત્વનું છે કે, ત્સાઈ ઈંગ વેનનું નિવેદન એવા સમયે બહાર આવ્યું છે. જ્યારે ચીન તાઈવાન પર જબરદસ્ત દબાણ લાવી રહ્યું છે. તાઈવાન પોતાને એક સ્વ-સંચાલિત લોકશાહી ટાપુ તરીકે જુએ છે. પરંતુ ચીન માને છે કે, તાઈવાન તેનો ભાગ છે. ચીનના રાષ્ટ્રપતિ શી જિનપિંગે કહ્યું છે કે, તાઈવાન ચોક્કસ પણે ચીન સાથે જોડાઈ જશે
ચીન તાઈવાન પર સતત કબ્જો કરવાની કોશિષ કરી રહ્યું છે
શુક્રવારે, 38 ફાઈટર વિમાનોએ ચીનના રાષ્ટ્રીય દિવસ પર તાઈવાનના હવાઈ ક્ષેત્રે પર બે વાર ઉડાન ભરી હતી. અને તેને ચીન દ્વારા અત્યાર સુધીનું સૌથી મોટું અતિક્રમણ ગણાવામાં આવ્યું હતું. તાઈવાનમાં 2016ની પ્રમુખપદની ચૂંટણીથી ચીને આ ક્ષેત્રમાં લશ્કરી, રાજદ્વારી અને આર્થિક દબાણ વધાર્યું છે. કારણ કે, ત્સાઈ ઈંગ વેને આ ચૂંટણીઓ જીતી છે. અને તાઈવાનને એક સ્વતંત્ર રાષ્ટ્ર માનવાનું ચાલુ રાખ્યુ છે. વારંવાર એવું પણ કહેવામાં આવ્યું છે કે, તાઈવાન ચીનનો ભાગ નથી
ચીન હજી સુધી તાઈવાન પર હુમલો કરી શક્યું નથી
ઉલ્લેખનીય છે કે,ચીન સુપરપાવર હોવા છતાં હજી સુધી ક્યુબા કરતાં નાનું ટાપું તાઈવાન પર હુમલો કરી શક્યું નથી. ચીનથી માત્ર 180 કિમી દૂર તાઈવાનની ભાષા અને પૂર્વજો ચીની છે. પરંતુ ત્યાંની રાજકીય વ્યવસ્થા તદ્દન અલગ છે. જો કે, ચીન પોતાની સૈન્ય ક્ષમતા દર્શાવીને તાઈવાનને દબાણ હેઠળ લાવવાનો પ્રયાસ કરી રહ્યું છે,