સતત ઘટેલા પેટ્રોલ ડીઝલના ભાવથી શહેરીજનો ને આંશિક રાહત મળી હતી. જોકે હવે પેટ્રોલ અને ડીઝલ ભાવમાં છેલ્લા બે દિવસથી વધારો નોધાયો છે. જેમાં પેટ્રોલના પ્રતિ લીટરનો ભાવ ૬૬.૮૧ અને ડીઝલનો પ્રતિ લીટરનો ભાવ ૬૫ .૯૮ છે.
ત્યારે આજે પેટ્રોલમાં ૧૮ પૈસા અને ડીઝલની ૩૧ પૈસાનો વધારો જોવા મળી રહ્યો છે. નોંધપાત્ર છે કે આંતરાષ્ટ્રીય બજારોમાં કાચા તેલનો ભાવ વધતા ઘરેલુ બજારમાં પણ પેટ્રોલ-ડીઝલના ભાવમાં ધરખમ વધારો હવે થઇ રહ્યો છે. જેથી હવે વાહનચાલકોની મુશ્કેલીઓ વધી શકે છે.
તમને જણાવી દઇએ કે 1 જાન્યુઆરીના પેટ્રોલના ભાવમાં 19 પૈસા પ્રતિ લીટરનો ઘટાડો થયો હતો. બે અને ત્રણ જાન્યુઆરીના રોજ કિંમતોમાં ફેરફાર થયો ન હતો. પરંતુ ચાર જાન્યુઆરીના રોજ 21 પૈસા અને પછી 5 જાન્યુઆરીના રોજ 15 પૈસા પ્રતિ લીટર પેટ્રોલ સસ્તું થયું.
ત્યારબાદ 6 જાન્યુઆરીના રોજ કિંમત સ્થિર હતી જ્યારે 7 જાન્યુઆરીના રોજ કિંમત પહેલીવાર વધી. ત્યારબાદ 8 અને 9 જાન્યુઆરીના રોજ પેટ્રોલ અને ડીઝલ જૂના સ્તર પર છે. ગત એક અઠવાડિયામાં ક્રૂડ ઓઈલના ભાવ ઝડપથી વધી રહ્યા છે. 25 ડિસેમ્બર 2018ના રોજ 50 ડોલર પ્રતિ બેરલ સુધી પહોંચનાર ક્રૂડ ઓઈલ હવે ફરીથી 57.56 ડોલર પ્રતિ બેરલ પહોંચી ગયું છે. એવામાં ફરી એકવાર ઓઈલ કંપનીઓ પેટ્રોલ-ડીઝલમાં ફરી એકવાર ઓઈલ કંપનીઓ પેટ્રોલ-ડીઝલ્ના ભાવમાં વધારો કરી શકે છે.