ના હોય! / અજીબોગરીબ કિસ્સો : મહિલાના શરીરમાં 216 દિવસ રહ્યો કોરોના વાયરસ, 32 વાર થયુ Mutation

• HIV પોઝીટીવ મહિલા સાથે ઘટી ઘટના 
• કોરોના વાયરસનો અજીબ કિસ્સો 
• સમગ્ર દુનિયામાં આવો કિસ્સો નહી બન્યો હોય

36 વર્ષીય મહિલા સાથે ઘટી ઘટના

દક્ષિણ આફ્રીકામાં 36 વર્ષીય HIV પોઝીટીવ મહિલામાં વાયરસનું ઇન્ફેક્શન 216 દિવસ સુધી રહ્યું હતુ અને સૌથી વધારે ચોંકાવનારી વાત તે છે કે આ વાયરસમાં 32 વાર મ્યૂટેશન થયુ હતું. એક રિપોર્ટમાં આ ચોંકાવનારો કિસ્સો સામે આવ્યો છે. 

Spike Proteinમાં પણ Mutation

એક રિપોર્ટ અનુસાર સ્રાઇક પ્રોટીનમાં પણ 13 વાર મ્યૂટેશન થયુ હતુ. તમને જણાવી દઇએ કે સ્પાઇક પ્રોટીનને ઓળખીને વધારે વેક્સિન વાયરસ પર અસર કરે છે. જો કે તે હજુ સાફ નથી થઇ શક્યું કે મહિલામાંથી આ મ્યૂટેશન કોઇ અન્ય વ્યક્તિમાં ટ્રાંસમિટ થયુ છે કે નહી.

શું HIV ઇન્ફેક્શન નવા વેરિએન્ટનો સોર્સ છે? 

સ્ટીડી અનુસાર રિસર્ચરે કહ્યું કે આવા કેસ મળે છે તો તેનાથી ખ્યાલ આવશે કે HIV ઇન્ફેક્શન નવા વેરિએન્ટનો સોર્સ હોઇ શકે છે કે નહી. આવા દર્દીઓમાં વાયરસ લાંબા સમય સુધી રહે છે. તેમણે કહ્યું કે, શરૂઆતી ઇલાજ બાદ મહિલામાં હલકા લક્ષણ હતા પરંતુ વાયરસ તેની અંદર જ રહેલો હતો. 

આ રીતે સામે આવ્યો કેસ 

રિપોર્ટ અનુસાર, આ મામલો ત્યારે સામે આવ્યો જ્યારે મહિલા 300HIV પોઝીટીવ લોકો પર કરવામાં આવેલી સ્ટડીમાં સામેલ થઇ. તેમાં સામે આવ્યું કે જે લોકોની ઇમ્યૂન સિસ્ટમ કમજોર હોય છે તે લોકોમાં વાયરસ વધુ સમય રહે છે અને આ એક અનોખો મામલો છે. આફ્રીકામાં 2020માં 2 કરોડથી વઝારે લોકો HIV પોઝીટીવ હતા.