પગપાળા દર્શન કરવા નીકળેલી પત્નીનું અકસ્માતમાં મોત નિપજ્યું હતું. પરંતુ હકિકત સામે આવી ત્યારે સૌ કોઈ ચોંકી ગયું હતું.
અકસ્માતે મૃત્યુ મામલે ચોંકાવનારો ખુલાસો
ષડયંત્ર રચીને CAએ પોતાની પત્નીની કરાવી હત્યા
પગપાળા દર્શન કરવા નીકળી મિત્રની ગાડીથી કરાવ્યો અકસ્માત
ડીસામાં ચાર્ટડ એકાઉન્ટન્ટની પત્નીના અકસ્માતમાં મૃત્યુના મામલે ચોંકાવનારો ખુલાસો થયો છે. અકસ્માતની પાછળ એક ષડયંત્ર રચાયું હોવાનો ખુલાસો થયો છે. CAના પ્રોફેસન સાથે સંકળાયેલા વ્યક્તિએ પોતાની જ પત્નીની હત્યા કરાવી હોવાનું સામે આવ્યું છે. પગપાળા દર્શન કરવા નીકળેલી પત્નીનું અકસ્માતમાં મોત નિપજ્યું હતું. પરંતુ હકિકત સામે આવી ત્યારે સૌ કોઈ ચોંકી ગયું હતું.
અકસ્માતમાં ખુદ CA દ્વારા તેના મિત્રની કારનો ઉપયોગ કરાયો હતો. મિત્રને નાણા આપી અકસ્માતનું સ્વરૂપ આપવાની કોશિશનો પોલીસે પર્દાફાશ કરી નાખ્યો છે. અકસ્માત દ્વારા હત્યા કરીને કારચાલક ફરાર થઈ ગયો છે. CAના આરોપી મિત્ર અને તેના સાગરીતો હાલ પોલીસની પકડથી દૂર છે. ભીલડી પોલીસે CAની અટકાયત કર્યા બાદ પૂછપરછ હાથ ધરી હતી. જેમાં CA દ્વારા તમામ ષડયંત્રનો સ્વિકાર કરવામાં આવ્યો છે.