નેશનલ હેરાલ્ડ કેસમાં પૂછપરછ માટે ED સમક્ષ હાજર થયા સોનિયા ગાંધી. આ તરફ દેશના અલગ-અલગ રાજ્યોમાં કોંગ્રેસના કાર્યકરો કેન્દ્ર સરકાર વિરુદ્ધ વિરોધ પ્રદર્શન કરી રહ્યા છે
નેશનલ હેરાલ્ડ કેસમાં પૂછપરછ માટે ED સમક્ષ હાજર થયા સોનિયા ગાંધી
અલગ-અલગ રાજ્યોમાં કોંગ્રેસના કાર્યકરો દ્વારા કેન્દ્ર સરકાર વિરુદ્ધ વિરોધ પ્રદર્શન
નેશનલ હેરાલ્ડ કેસમાં એન્ફોર્સમેન્ટ ડિરેક્ટોરેટ (ED)આજે કોંગ્રેસ અધ્યક્ષ સોનિયા ગાંધીની પૂછપરછ કરી રહી છે. જેને લઈ દેશના અલગ-અલગ રાજ્યોમાં કોંગ્રેસના કાર્યકરો કેન્દ્ર સરકાર વિરુદ્ધ વિરોધ પ્રદર્શન કરી રહ્યા છે. બેંગલુરુમાં પણ કોંગ્રેસના કાર્યકરોએ પ્રદર્શન કર્યું અને સેન્ટ્રો કારને આગ ચાંપી દીધી. જોકે એવું કહેવામાં આવી રહ્યું છે કે, આ કાર કોંગ્રેસના કાર્યકરની છે, જેમાં તેણે વિરોધ કરવા માટે આ કૃત્ય કર્યું હતું. આ સિવાય શેષાદ્રિપુરમ, નેહરુ જંક્શન ખાતે પણ એક કાર સળગાવવામાં આવી હોવાનું સામે આવ્યું પરંતુ તેની પુષ્ટિ થવાની બાકી છે.
નેશનલ હેરાલ્ડ કેસમાં પૂછપરછ માટે ED સમક્ષ હાજર થયા સોનિયા ગાંધી
કોંગ્રેસ અધ્યક્ષ સોનિયા ગાંધી આજે નેશનલ હેરાલ્ડ કેસમાં પૂછપરછ માટે ED સમક્ષ હાજર થયા છે. આ તરફ વિપક્ષ સોનિયા ગાંધીની પૂછપરછને લઈને સંસદથી લઈને રોડ સુધી મોદી સરકાર પર પ્રહારો કરી રહ્યા છે. તેઓ સરકાર પર બદલાની રાજનીતિનો આરોપ લગાવી રહ્યા છે. આ સાથે જ ભાજપે પણ કોંગ્રેસ પર વળતો પ્રહાર કર્યો છે. લોકસભામાં કેન્દ્રીય મંત્રી પ્રહલાદ જોશીએ કહ્યું- 'કાયદા સમક્ષ બધા સમાન છે, શું કોંગ્રેસ અધ્યક્ષ કોઈ મહાન વ્યક્તિ છે?
વિપક્ષના ભારે હંગામા વચ્ચે લોકસભાની કાર્યવાહી સ્થગિત
સોનિયા ગાંધીની પૂછપરછને લઈ ભારે હંગામા વચ્ચે લોકસભાની કાર્યવાહી સ્થગિત કરવી પડી હતી. કોંગ્રેસ અધ્યક્ષ સોનિયા ગાંધી EDની ઓફિસ પહોંચ્યા છે. જ્યાં આજે નેશનલ હેરાલ્ડ કેસમાં EDના અધિકારીઓ તેમની પૂછપરછ કરશે. જોકે તેના વિરોધમાં કોંગ્રેસે મોટા પાયે પ્રદર્શન કરવાની તૈયારી કરી લીધી છે.
કેન્દ્રીય મંત્રી પ્રહલાદ જોશીએ કહ્યું, કાયદા સમક્ષ બધા સમાન
સોનિયા ગાંધીના પ્રશ્નને લઈને વિપક્ષના સાંસદોએ આજે લોકસભામાં ભારે હોબાળો મચાવ્યો હતો. આ દરમ્યાન કેન્દ્રીય સંસદીય કાર્ય મંત્રી પ્રહલાદ જોશીએ કહ્યું કે, 'કાયદા સમક્ષ દરેક વ્યક્તિ સમાન છે. શું કોંગ્રેસ અધ્યક્ષ (સોનિયા ગાંધી) કોઈ મહાન વ્યક્તિ છે? તેઓ (કોંગ્રેસીઓ) માને છે કે તેઓ કાયદાથી ઉપર છે. ભારે હોબાળા બાદ લોકસભાની બેઠક થોડા સમય માટે સ્થગિત કરવી પડી હતી.