અભિનંદન / અભિનંદનના વિમાનને પાકિસ્તાની 6 વિમાનોએ ઘેર્યું, PoKના સ્થાનિકે જમાવી સમગ્ર કહાની

ભારતીય વિંગ કમાન્ડર અભિનંદનની બહાદૂરીના વખાણ સમગ્ર દુનિયા સાંભળી ચુકી છે, પરંતુ આજે અમે તમને LOC પારના એ ગામની મુલાકાત કરાવશું જેના પર અભિનંદને પાક. જમીન પર પગ મુક્યો હતો. દુશ્મનની જમીન પર પગ મુકીને સહીસલામત પાછા આવી ગયા હતા. જોઈએ આ અંગેનો વિશેષ રિપોર્ટ.

27 ફેબ્રુઆરી સવારે 9 30 કલાકે નૌસેરા આર્મી બેઝ પર પાકિસ્તાની એરફોર્સે હુમલો કર્યો હતો. ભારતની બોર્ડરમાં ઘૂસેલા પાકિસ્તાનના F 16ને પડકાર આપવા ભારતીય વાયુસેનાની એક ટીમે આકાશમાં ઉડાન ભરી હતી. મિગ 21ના કમાન્ડર અભિનંદને પાકિસ્તાની વાયુસેનાની ટીમને ભગાડી હતી અને તેમાં એક વિમાનને અભિનંદને પાડી દીધું હતું, પરંતુ તે સમયે અભિનંદન પણ પોતાના વિમાન સાથે દુશ્મનોના વિસ્તારમાં પહોંચ્યા હતા અને પછી શું થયું તે વિશ્વ આખુ જાણે છે.

અભિનંદન પાકિસ્તાનના ગામ હોરનમાં પહોંચી ગયા હતા. આ ગામના એક શખ્સે આ ફાઈટ પોતાની નજરે જોઈ હતી. આ શખ્સ હોરન ગામનો જ વતની છે. કામરાને કહ્યું કે, એક ભારતીય ફાઈટર પ્લેનને 6 પાકિસ્તાની ફાઈટર ઘેરીને તોડવાનું પ્લાન કરી રહ્યા હતા, પરંતુ તેનાથી ઉલટુ થયું અને અભિનંદને પાકિસ્તાની ફોર્સનું વિમાન તોડ્યું અને તે પણ પાકિસ્તાનના ગામમાં જઈને પડ્યા હતા.