યોજના / નવા સંસદ ભવન માટે L&Tને પાછળ રાખી આ કંપનીએ મેળવ્યો કોન્ટ્રેક્ટ, ખર્ચાશે 861.90 કરોડ રૂપિયા

• મોદી સરકાર બનાવવા માંગે છે નવું સંસદ ભવન 
• સેન્ટ્રલ વિસ્ટાના પ્રોજેક્ટ માટે ટાટા પ્રોજેક્ટ્સને મળી મંજૂરી 
• સેન્ટ્રલ પબ્લિક વર્કસ ડિપાર્ટમેન્ટે શરૂ કરી હતી બિડ પ્રક્રિયા 

અધિકારીઓએ માહિતી આપી હતી કે ટાટા પ્રોજેક્ટસ લિમિટેડે 861.90 કરોડના ખર્ચે નવા સંસદ ભવનના નિર્માણની માટેની બિડ જીતી લીધી છે. સેન્ટ્રલ પબ્લિક વર્કસ ડિપાર્ટમેન્ટે બુધવારે નવા બિલ્ડિંગના નિર્માણ માટે નાણાકીય બિડ્સ ખોલી હતી. 

ટાટા પ્રોજેકટ્સ લિમિટેડે લાર્સન એન્ડ ટુબ્રો કરતાં લગાવી હતી ઓછી બોલી 

નવા સંસદ ભવનના નિર્માણ અંગેની ટેન્ડરિંગ પ્રક્રિયા શરૂ થયા બાદ પછી ટાટા પ્રોજેકટ્સ લિમિટેડ એ આ પ્રક્રિયામાં 861.90 કરોડ રૂપિયાની બોલી લગાવી હતી, જ્યારે લાર્સન અને ટુબ્રો લિમિટેડ L & T એ 865 કરોડની બોલી લગાવી હતી.

નરેન્દ્ર મોદી સરકાર નવી દિલ્હીમાં કેન્દ્રીય વિસ્ટાના પુનર્વિકાસની યોજનાના ભાગ રૂપે નવું સંસદ ભવન બનાવવામાં માંગે છે. રિપોર્ટ અનુસાર સંસદના ચોમાસા સત્રના અંત પછી નવા બિલ્ડિંગ પર કામ શરૂ થવાની સંભાવના છે.