રાજકોટ પોલીસ કમિશનરે દિવાળીને જાહેરનામું બહાર પાડ્યું છે તહેવારોમાં શહેરમાં ટ્રાફિક વ્યવસ્થા ખોરવાઈ નહીં, તેમજ મુ્ખ્યબજારોમાં ભીડ નિયંત્રિત કરી શકાય તે માટે જાહેરનામું બહાર પાડવામાં આવ્યું છે.
ટ્રાફિકને લઇ પોલીસ કમિશનરનું જાહેરનામું
જૂના રાજકોટની બજારોમાં વાહનો પર પ્રતિબંધ
તમામ વાહનો માટે અવરજવર પર પ્રતિબંધ
દિવાળીનો તહેવાર નજીક આવી રહ્યો છે ત્યારે રાજ્યમાં સુરક્ષા વ્યવસ્થાને લઈને પોલીસ દ્વારા કડક સુરક્ષા બંદોબસ્ત ગોઠવવામાં આવ્યો છે, તહેવારોમાં અસાજીક તત્વો બેફામ બનતા હોય છે તેમજ આતંકી પ્રવૃતિઓને લઈને પણ સુરક્ષા વ્યવસ્થા ગોઠવવામાં આવતી હોય છે. રાજ્યાના તમામ મોટા શહેરોમાં સુરક્ષા વ્યવસ્થા ચુસ્ત કરવામાં આવી છે. ત્યારે રાજકોટ પોલીસ કમિશનર દ્વારા જાહેરનામું બહાર પાડવામાં આવ્યું છે.
જૂના રાજકોટની બજારોમાં વાહનો પર પ્રતિબંધ
રાજકોટમાં દિવાળી પર થતા ટ્રાફિકને લઇ આજે પોલીસ કમિશનરે જાહેરનામું બહાર પાડ્યું છે. જેમાં રાજકોટના મુખ્ય બજારોમાં વાહનો પર પ્રતિબંધ મુકવામાં આવ્યો છે. તેમજ મુખ્ય બજારોમાં વાહનોની અવરજવર પર 1 થી 5 તારીખ સુધી પ્રતિબંધ લગાવ્યો છે. ઢેબર ચોક, સાંગણવા ચોક, જૂની ખંડપીઠ ચોક સુધી તેમજ સાંગણવા ચોકથી ગેરડિયા કુવા રોડથી પરાબજાર સુધી વાહનનોની અવર જવર પર પ્રતિબંધ મુકવામાં આવ્યો છે. મહત્વનું છે કે તહેવારોમાં બજારોમાં ખરીદી માટે લોકો ઉમટતા હોય છે, તેમજ તહેવારોમાં ભીડ પણ વધુ જોવા મળતી હોય છે, ત્યારે ભીડને નિયંત્રિત કરવા તેમજ લોકોને મુશ્કેલી ન પડે તેને લઈને પોલીસ કમિશનર દ્વારા આ જાહેરનામું બહાર પાડવામાં આવ્યું છે.
શહેરના આ રસ્તાઓ તમામ વાહનો માટે ખુલ્લા રહેશે
જયારે જે રસ્તા તમામ પ્રકારના વાહનો માટે ખુલ્લા રહેશે તેમાં મોચી બજાર ચોકથી લુવાણાપરા મેઈન રોડ, રૈયા નાકા ટાવર, નવા નાકાથી કોઠારીયા પોલીસ ચોકી અને પેલેસ રોડ તેમજ મોચી બજાર પોસ્ટ ઓફિસથી દેના બેંક ચોકથી લઈ ઢેબર ચોક થઈ આરએમસી ચોકથી સેન્ટ્રલ પોઈન્ટ અને કરણસિંહજી ચોકથી ભુપેન્દ્ર રોડ અને પેલેસ રોડ તથા દિવાનપરા પોલીસ ચોકીથી જુની ખડપીઠથી નવા નાકા ચોક, રૈયા નાકા ટાવર તરફનો રોડ અને મોચી બજારથી દાણાંપીઠ રોડ અને ઘી પીઠ રોડ આ તમામ રોડ નાગરિકો માટે ખુલ્લા રહેશે.