રાજકોટ / જે કોલેજમાંથી પેપર ફૂટ્યું તે....: સૌરાષ્ટ્ર યુનિવર્સિટી પેપર લીક મામલે ઇન્ચાર્જ કુલપતિનું મોટું નિવેદન, જુઓ શું કહ્યું

• સૌરાષ્ટ્ર યુનિવર્સિટી પેપર લીંક મામલો
• સિન્ડીકેટની બેઠકમાં FIR અને FSL રિપોર્ટ મુકવામાં આવશે
• ટૂંક સમયમાં સિન્ડીકેટની બેઠક મળશે

રાજકોટમાં પેપર લીક મામલે સૌરાષ્ટ્ર યુનિવર્સિટીના ઇન્ચાર્જ કુલપતિએ જણાવ્યું હતું કે  આ માસની મધ્યમાં સૌરાષ્ટ્ર યુનિવર્સિટી દ્વારા સિન્ડીકેટની બેઠક બોલવામાં આવશે.  તેમજ બેઠકમાં પેપર લીક મામલાની જે FIR અને FSL રિપોર્ટ સિન્ડીકેટની બેઠકમાં મુકવામાં આવશે અને સિન્ડીકેટની બેઠકમાં નિર્ણય લેવામાં આવશે. જે કોલેજમાંથી પેપર ફૂટ્યું છે તે મામલે શું નિર્ણય કરવો તે અંગેની પણ સિન્ડીકેટની બેઠકમાં નિર્ણય કરવામાં આવશે. ત્યારે ભૂતકાળમાં જે કોલેજોમાં આવી ઘટના બની છે તેની સામે કાર્યવાહિ કરવામાં આવી છે.  જેમાં બાબરાની કોલેજનું જોડાણ રદ્દ કરવામાં આવ્યું છે. તેમજ બીજી એક કોલેજમાં કોમર્સનો અભ્યાસક્રમમાં બંધ કરવામાં આવેલો છે. 

111 દિવસ બાદ પેપર ફોડનાર સામે ફરિયાદ નોંધાઈ
સૌરાષ્ટ્ર યુનિવર્સિટીના પેપરલીક કાંડ મામલે કાર્યવાહીનો દોર શરૂ થયો છે. ત્યારે 111 દિવસ બાદ પેપર ફોડનાર સામે ફરિયાદ નોંધાઈ છે. પેપરલીક મામલે પેપર રિસીવર જીગર ભટ્ટની પણ પૂછપરછ શરૂ કરવામાં આવી છે. ગાંધીગ્રામ પોલીસના PI દ્વારા જીગર ભટ્ટની પણ પૂછપરછ કરી હતી.

સૌરાષ્ટ્ર યુનિવર્સિટી પેપરલીક મામલે કાર્યવાહી 
સતત પેપર ફૂટવાની ઘટનાને લઈ વિદ્યાર્થીઓમાં રોશ છે. તેમજ યુવાનોના સપના તૂટી રહ્યા છે, આ મુદ્દે ઉમેદવારો ગુજરાત સરકાર પર રોષ વ્યક્ત કરી રહ્યા છે અને સરકાર પેપર ફૂટવાની દરેક ઘટનામાં નાની માછલીઓ સામે કાર્યવાહી કરીને મામલાને રફેદફે કરી દે છે તેવા આક્ષેપો થઇ રહ્યા છે. ત્યારે આજે યુનિવર્સિટીના પેપરલીક મામલે રિસીવર જીગર ભટ્ટની ગાંધીગ્રામ પોલીસના PI દ્વારા પૂછપરછ હાથ ધરવામાં આવી છે. તેમજ ગાંધીગ્રામ પોલીસમાં પેપર રિસીવર જીગર ભટ્ટ સામે ગુનો દાખલ થયો છે.  ધરપકડ અંગે પોલીસ પૂછપરછ બાદ નિર્ણય લેશે.
પેપરલીક કેસમાં બે દિવસ અગાઉ FIR થઈ હતી
બે દિવસ અગાઉ રાજકોટના ગાંધીગ્રામ પોલીસ સ્ટેશનમાં સૌરાષ્ટ્ર યુનિવર્સિટીના ઇન્ચાર્જ રજિસ્ટ્રાર અમિત પારેખે એચ.એન.શુક્લ કોલેજના કર્મચારી એવા પેપર રિસીવર  જીગર ભટ્ટ સામે ફરિયાદ નોંધાવી હતી. ભાજપના કોર્પોરેટરની કોલેજના રિસીવર સામે ગુનો નોંધાયો છે. પેપર ફોડવામાં ભાજપના કોર્પોરેટર નેહલ શુક્લાની કોલેજની વરવી ભૂમિકા બહાર આવતા ચકચાર મચી ગઇ હતી.