ઠંડીનો ચમકારો / દિવાળી નજીક આવતા ગુજરાતમાં ઠંડી જામી, જાણો આગામી 2-3 દિવસ કેવો રહેશે મોસમ 

• રાજ્યમાં ઠંડીની મોસમ જામી રહી છે
• રાજ્યમાં ઉત્તરપૂર્વના પવન ફૂંકાતા ઠંડી વધી
• આગામી 3 દિવસમાં 2 થી 3 ડીગ્રી તાપમાન ઘટશે

ઉત્તર પૂર્વ તરફથી પવનો ફૂંકાવાને કારણે ઠંડી વધી 

રાજ્યમાં ધીમેધીમે હવે શિયાળાની ઋતુ જામી રહી છે. રાજ્યમાં હાલ વહેલી સવારે ઠંડીનો ચમકારો અનુભવાઇ રહ્યો છે. રાજ્યમાં હાલ ઉત્તર પૂર્વ તરફથી પવનો ફૂંકાવાને કારણે ઠંડી વધી રહી છે. આગામી 3 દિવસમાં 2 થી 3 ડીગ્રી જેટલો તાપમાનમાં ઘટાડો થશે. જો કે હજી થોડા દિવસો સુધી લોકોએ બેવડી ઋતુનો સામનો કરવો પડશે. રાજ્યમાં વિવિધ જિલ્લાઓમાં લઘુત્તમ તાપમાનમાં ઘટાડો થયો છે. સૌથી ઓછુ તાપમાન સાબરકાઠાંમાં 18 ડિગ્રી નોંધાયુ છે

આગામી ત્રણેક દિવસમાં ઠંડીમાં વધારો થશે

હવામાન વિભાગના મતે આગામી ત્રણ દિવસમાં લઘુતમ તાપમાનમાં ત્રણ ડિગ્રીનો ઘટાડો થતાં ઠંડીના ચમકારમાં હજુ વધારો થઇ શકે છે. અમદાવાદમાં આગામી 3 દિવસ સરેરાશ મહત્તમ તાપમાન 34 અને સરેરાશ લઘુતમ તાપમાન 19 ડિગ્રીની આસપાસ રહેવાનું હવામાન વિભાગ દ્વારા અનુમાન કરાયું છે.

રાજ્યમાં તાપમાનનો પારો ગગડ્યો

અમદાવાદ - 19 ડિગ્રી
વડોદરા - 21 ડિગ્રી
સુરત - 22 ડિગ્રી
કચ્છ - 20 ડિગ્રી
પાટણ - 19 ડિગ્રી
સાબરકાંઠા - 18 ડિગ્રી
અરવલ્લી - 20 ડિગ્રી
પંચમહાલ - 19 ડિગ્રી
રાજકોટ - 28 ડિગ્રી
ગાંધીનગર 19 ડિગ્રી