શિયાળાનું આગમન / ગુજરાતના આ જિલ્લાઓમાં ઠંડા પવનો ફુંકાવાનું શરૂ, નવેમ્બરની શરૂઆતમાં હવે ઠંડીનો ચમકારો વધશે

• ઓક્ટોબરના અંતમાં બેવડી ઋતુનો અનુત્રભવ 
• રાજ્યના ઉત્તર પૂર્વમાં ઠંડા પવનો ફુંકાવાનું શરૂ 
• દાહોદ અને મહિસાગરના વાતાવરણમાં રહેશે પલટો 

આ વર્ષે ઓક્ટોબર મહિનામાં વાતાવરણમાં ભારે ફેરફાર જોવા મળ્યો છે. મહિનાની શરૂઆતમાંજ આ વર્ષે રાજ્યના અમુક જિલ્લાઓમાં વરસાદ જોવા મળ્યો હતો. સામાન્ય રીતે સપ્ટેમ્બરમાં ચોમાસું વિદાય લઈ લે છે. પરંતુ આ વર્ષે ઓક્ટોબરની શરૂઆતમાં ચોમાસાએ વિદાય લીધી હતી. 

નવેમ્બરમાં વધશે ઠંડીનો ચમકારો 

જોકે હજુ તો ચોમાસું ગયે માંડ 15 દિવસ થયા હશે અને રાજ્યમાં હવે ઠંડીનો અનુભવ થવા લાગ્યો છે. અત્યારથીજ ઠંડીનું પ્રમાણ અમુક જિલ્લાઓમાં જોવા મળી રહ્યું છે જેમા રાજ્યના ઉત્તર-પૂર્વ ભાગોમાં ઠંડા પવનો ફૂંકાવાનું શરૂ થઈ ગયું છે. હાલ જે રીતે અચાનકથી ઠંડા પવનો ફુંકાઈ રહ્યા છે તે પરથી લાગી રહ્યું છે કે નવેમ્બરમાં ઠંડીનો ચમકારો વધશે. 

હાલ બેવડી ઋતુનો અનુભવ 

રાજ્યના મોટા ભાગના જિલ્લાઓમાં હવે સવારના સમયે ગુલાબી ઠંડીનો અહેસાસ જોવા મળી રહ્યો છે. સવારના સમયે પરોઢે વાતાવરણ ઠંડુગાર હોય છે. ઓક્ટોમ્બર મહિનાના અંતમાં હાલર બેવડી ઋતુનો અનુભવ થઈ રહ્યો છે. ખાસ કરીને ગ્રામ્ય વિસ્તારોમાં તો વહેલી સવારે હવે ઠંડીનો જોરદાર અનુભવ થઈ રહ્યો છે. 

મોટાભાગાના જિલ્લાઓમાં ઠંડીનું પ્રમાણ વધ્યું 

ઉલ્લેખનીય છે કે નવેમ્બર મહિનાના ઠંડીની બરોબર શરૂઆત થઈ જશે. જેમા દાહોદ અને મહિસાગરના વાતાવરણમાં આજથી પલટો જોવા મળશે. આ વર્ષે ચોમાસું ભલે મોડુ આવ્યું હતું પરંતુ શિયાળાની શરૂઆત અત્યારથી થઈ ગઈ છે. વહેલી સવારથી રાજ્યના મોટાભાગના જિલ્લાઓમાં ઠંડીનો ચમકારો જોવા મળી રહ્યો છે