ગુજરાતમાં આજે મોટા ભાગના શહેરોમાં ઠંડીનું પ્રમાણ જોવા મળ્યું છે, ત્યારે આગામી 28 તારીખ સુધીમાં રાજ્યમાં ઠંડીનું પ્રમાણ વધશે તેવી હવામાન વિભાગ દ્વારા આગાહી કરવામાં આવી છે.
રાજ્યમાં આગામી દિવસોમાં વધશે ઠંડીનું પ્રમાણ
28 તારીખ સુધી ઠંડીનું પ્રમાણ વધુ જોવા મળશે
કચ્છમાં આજે સૌથી ઓછું તાપમાન નોંધાયું
રાજ્યમાં હવે દિવસેને દિવસે ઠંડીનું પ્રમાણ વધી રહ્યું છે. આજે મોટા ભાગના શહેરોમાં તાપમાન 10 ડિગ્રી કરતા પણ ઓછું નોંધાયું જેથી લોકોને કડકડતી ઠંડીનો સામનો કરવો પડ્યો છે. જોકે આવનારા સમયમાં હજુ પણ ઠંડીનું પ્રમાણ વધુ ઘટી શકે છે. એટલે કે આગામી દિવસોમાં ઠંડી વધવાની પુરી શક્યતાઓ સેવાઈ રહી છે.
અમદાવાદમાં 8.2 ડિગ્રી તાપમાન નોંધાયું
હવામાન વિભાગ દ્વારા આગાહી કરવામાં આવી છે કે આગામી દિવસોમાં ઠંડી વધવાની છે. 28 જાન્યુઆરી સુધી ઠંડીનું પ્રમાણ આવુંજ રહેશે અને તેમા પણ 2 થી 3 ડિગ્રી હજુ ઘટવાની શક્યતાઓ છે. આજે અમદાવાદ શહેરનું તાપમાન 8.2 ડિગ્રી નોંધાયું જેથી કહી શકાય કે અહીયા પણ લોકો કડકડતી ઠંડીનો સામનો કરી રહ્યા છે. તો બીજી તરફ ગાંધીનગરમાં તો માત્ર 7 ડિગ્રી તાપમાન નોંધાયું છે.
કચ્છમાં સૌથી ઓછું 6 ડિગ્રી તાપમાન નોંધાયું
સૌથી ઓછું તાપમાન આજે કચ્છમાં નોંધાયું છે. કચ્છમાં આજે 6 ડિગ્રીનું તાપમાન નોંધાયું છે ઉપરાંત આવનારા દિવસોમા અહીયા ઠંડીનું પ્રમાણ વધશે. વડોદરામાં આજે 9 ડિગ્રી તાપમાન નોંધાયું છે તો રાજકોટમાં આજે 10 ડિગ્રી તાપમાન નોંધાયું છે.
આવનારા દિવસોમાં કડકડતી ઠંડીનો સામનો કરવો પડશે
ઉલ્લેખનીય છે કે ભાવનગરમાં આજે ઠંડીનું પ્રમાણ 12.9 ડિગ્રી નોંધાયું છે તો બીજી તરફ સુરતનું તાપમાન પણ 11 ડિગ્રી નોંધાયું છે. જાન્યુઆરીની શરૂઆતથીજ રાજ્યમાં દિવસેને દિવસે ઠંડી વધી રહી છે. તેમા પણ હવે તો આવનારા સમયમાં ઠંડીનું પ્રમાણ વધવાનું છે. જેથી લોકોએ કડકડતી ઠંડીનો સામનો કરવો પડશે.