શિયાળાની ફુલગુલાબી ઠંડીથી શરૂઆત થતા મોટાભાગના શહેરમાં ઠંડીનો પારો ગગડ્યો,ગુલાબી ઠંડીનું જોર વધતા લોકો તાપણાનો સહારો પણ લેતા જોવા મળી રહ્યા છે
ગુજરાતમાં વધતું ઠંડીનું જોર
શિયાળાની ફુલગુલાબી ઠંડીની શીત લહેર
રાજ્યમાં ફુલ ગુલાબી ઠંડીનો અહેસાસ
શિળાયાની સિઝન શરૂ થતા જ હવે ધીમે ધીમે રાજ્યમાં ઠંડીનો ચમકારો વધી રહ્યો છે, ગુલાબી ઠંડીનું જોર વધતા લોકો તાપણાનો સહારો પણ લેતા જોવા મળી રહ્યા છે. જ્યારે બીજી તરફ કેટલાક લોકો ઠંડીની મજાલેતા હોય તેવા દ્રશ્યો પણ સામે આવી રહ્યા છે, વહેલી સવારે મોનિંગ વોક માટે નિકળી જવું એ પણ એક લાહવો હોય છે. બીજી તરફ ઠંડીનું પ્રમાણ વધતા લોકો ઘરમાં જ પૂરાઈ રહેવાનું વધારે પસંદ કરી રહ્યા છે.
ગુજરાતમાં વધતું ઠંડીનું જોર
રાજ્યમાં ઠંડીનો ચમકારો વધી રહ્યો છે હવે ધીમે ધીમે ઠંડી જમાવટ કરી રહી છે વહેલી સવારે ફૂલગુલાબી ઠંડી અહેસાસ થવા લાગ્યો છે જ્યારે બપોર બાદ સામાન્ય ગરમીનો પણ અહેસાસ થાય છે આમ શિયાળામાં ઠંડી અને ગરમી મિશ્ર ઋતુનો અનુભવ થઈ રહ્યો છે. ઠંડા પવનોને કારણે રાજ્યના મોટા ભાગનાં શહેરમાં તાપમાનનો પારો ગગડ્યો છે. લઘુતમ તાપમાનમાં ઘટાડો થતા શહેરોમાં ઠંડીનું પ્રમાણ વધ્યું છે.
શિયાળાની ફુલગુલાબી ઠંડીની શીત લહેર
ગઈ કાલે 11 ડિગ્રી સાથે ગાંધીનગર સૌથી ઠંડું શહેર બન્યું હતું, જ્યારે નલિયામાં પણ 13.6 ડીગ્રી તાપમાન નોંધાયું હતું. આજે 18 ડિગ્રી સાથે ગાંધીનગર ઠંડુગાર બન્યું છે. તો અમદાવાદ, વડોદરા, રાજકોટ, સુરત જેવા શહેરોમાં પણ ઠંડીનું પ્રમાણ વધ્યું છે. હવામાન વિભાગ દ્વારા આગામી રાજ્યમાં ડિસેમ્બર મહિનાથી ઠંડીનું જોર વધવાની શક્યતાઓ વ્યક્ત કરવામાં આવી છે.
રાજ્યમાં ફુલ ગુલાબી ઠંડીનો અહેસાસ
હવામાન વિભાગે ઉત્તર ગુજરાત અને સૌરાષ્ટ, કચ્છના વિસ્તારોમાં ઠંડીનું જોર વધવાની આગાહી કરી છે. અત્યારે રાજ્યમાં ડબલ ઋતુનો અનુભવ થઈ રહ્યો છે. જ્યારે દિવસ અને રાતના તાપમાનમાં લગભગ 10થી 12 ડીગ્રીનો તફાવત જોવા મળી રહ્યો છે. વલસાડ અને નલિયામાં લઘુતમ 16 ડીગ્રી તાપમાન નોંધાયું છે. તો અમદાવાદમાં પણ તાપમાન નીચું જતાં ઠંડીમાં વધારો થયો છે. તો આ વખતે ડિસેમ્બર અને જાન્યુઆરીમાં આકરી ઠંડી પડવાની સંભાવના છે.