કોવિડ 19 / આ રાજ્યના CMએ આપી ચેતવણી કહ્યું, "સુનામી જેવી હશે બીજી લહેર, સમજો નહીં તો થશે લોકડાઉન" 

• મહારાષ્ટ્રના મુખ્યમંત્રી ઉદ્ધવે આપી ચેતવણી 
• કોરોનાની બીજી લહેર સુનામી જેવી હોય શકે છે : CM ઉદ્ધવ ઠાકરે 
• મહારાષ્ટ્રની જનતાને કોરોના નિયમોનું પાલન કરવા અપીલ કરી 

CM ઉદ્ધવ ઠાકરે એ રવિવારે રાજ્યની જનતાને અપીલ કરી છે કે તેઓ કોવિડ -19 સામેની સાવચેતીમાં ઘટાડો ન કરે અને બીજું લોકડાઉન ટાળવા માટે આરોગ્ય સુરક્ષાના નિયમોનું કડક પાલન કરે.  મુખ્યમંત્રીએ કહ્યું કે હાલમાં રાત્રિ કર્ફ્યૂ લડવાની સલાહ અપાઈ છે, તેમ છતાં લોકો માનતા નથી કે આવા નિયંત્રણો લાગુ કરીને કંઈ પણ પ્રાપ્ત કરી શકાય છે. તેમણે કહ્યું કે લોકડાઉનની શરતો ઢીલી કરવી એનો અર્થ એ નથી કે રોગચાળો ચાલ્યો ગયો છે, તેથી લોકોને સાવચેત રહેવાની જરૂર છે.

નિયમોમાં ઢીલ આપવી એટલે રોગચાળો મટી જતો નથી : CM ઠાકરે

એક વેબકાસ્ટ દરમિયાન મુખ્યમંત્રી ઉદ્ધવ ઠાકરે એ કહ્યું કે લોકો મોટા પ્રમાણમાં કોવિડ -19 સુરક્ષા નિયમોનું પાલન કરી રહ્યા છે, તેમ છતાં ઘણા લોકો હજી પણ માસ્ક લગાવવા અને ગીચ સ્થળોની આસપાસ ફરવા માટેની સૂચનાઓનું પાલન કરી રહ્યા નથી.

મારે બીજું લોકડાઉન જોઈતું નથી : CM ઉદ્ધવ 

મુખ્યમંત્રી ઠાકરે એ વધુમાં જણાવ્યું હતું કે દિલ્હીમાં ઝડપથી વધી રહેલા કેસો ચિંતાનો વિષય છે અને અમદાવાદમાં પણ કર્ફ્યુ લાદવામાં આવ્યો હતો. મારે બીજું લોકડાઉન જોઈતું નથી પરંતુ તમારે પણ પરિસ્થિતિની ગંભીરતા સમજવી જોઈએ. મને નાઇટ કર્ફ્યુ લાદવાની સલાહ આપવામાં આવી છે, પણ મારું માનવું છે કે આવા પ્રતિબંધોથી કંઇ પ્રાપ્ત થઈ શકશે નહીં.'

ઠાકરેએ કહ્યું, 'ફટાકડા મુક્ત દિવાળી ઉજવવા બદલ હું તમારો આભાર માનું છું. પરંતુ હું મારી નિરાશા વ્યક્ત કરું છું કે કોવિડ -19 નિવારણના નિયમોનું ઘણી જગ્યાએ પાલન કરવામાં આવતું નથી. હું તમને સલાહ આપું છું કે બિનજરૂરી લોકો બહાર ન ફરે અને તમારે બહાર નીકળવું હોય તો માસ્ક પહેરીને સુરક્ષા નિયમોનું પાલન કરે. 

મુંબઇમાં નોંધાયા છે 1135 કેસ 

મહારાષ્ટ્રમાં રવિવારે સતત પાંચમાં દિવસે પાંચ હજારથી વધુ કેસ નોંધાયા છે. રવિવારે રાજ્યમાં 7533 નવા સંક્રમણનાં કેસ નોંધાયા છે. રવિવારે નોંધાયેલા નવા કેસોમાં 20 ટકા કેસો મુંબઈથી નોંધાયા છે, જ્યારે 1,135 નવા કેસ નોંધાયા છે. મહારાષ્ટ્રમાં કોરોનાના અત્યાર સુધીમાં 17,80,208 કેસ નોંધાયા છે.