ગુજરાત વિધાનસભાના ચૂંટણી પ્રચાર પડઘમ તેજ થયા છે. ત્યારે ભાજપ-કોંગ્રેસ-આપ અને અપક્ષ દ્વારા પોતાના મત વિસ્તારમાં જઈને પ્રચાર પ્રસાર વેગવંતો બનાવ્યો છે.
ગુજરાત વિધાનસભાની ચૂંટણીના પ્રચાર પડઘમ તેજ
કોંગ્રેસ પણ હવે છેલ્લી ઘડીના પ્રચાર માટે તેજ થઈ ચૂકી
કોંગ્રેસ ભવન ખાતે પ્રચાર સામગ્રી પહોચી
કોંગ્રેસ દ્વારા ઘોષણા પત્રક તૈયાર કરવામાં આવ્યા
ગુજરાત વિધાનસભાના ચૂંટણી પ્રચાર પડઘમ તેજ થયા છે. ત્યારે ભાજપ-કોંગ્રેસ-આપ અને અપક્ષ દ્વારા પોતાના મત વિસ્તારમાં જઈને પ્રચાર પ્રસાર વેગવંતો બનાવ્યો છે. ત્યારે ભાજપ દ્વારા પોતાના કાર્યકરોને પ્રસાર-પ્રસાર માટેની સામગ્રી પણ પૂરી પાડવામાં આવી છે તો બીજી તરફ કોંગ્રેસ દ્વારા પણ તેમના કાર્યકરોને પ્રચાર માટેનું સાહિત્ય આપવામાં આવતા બંને પક્ષના કાર્યકરો દ્વારા પ્રચાર પડઘમ તેજ બનાવવામાં આવ્યો છે. અત્યારે વિવિધ રાજકીય પાર્ટીઓના ખેસ, ધ્વજ, ટોપી પણ બજારમાં જોવા મળી રહ્યા છે.
છેલ્લી ઘડીનો પ્રચાર તેજ
ભાજપ-કોંગ્રેસ દ્વારા વિધાનસભાની ચૂંટણી જાહેર થતા જ કાર્યકરો દ્વારા ચૂંટણી પ્રચાર વેગવંતો બનાવવામાં આવ્યો છે. ભાજપ દ્વારા પોતાના કાર્યકરોને ટોપી, ખેસ તેમજ પાર્ટીનો ધ્વજ પણ આપી દીધો છે. કાર્યકરો દ્વારા સભાઓ તેમજ રેલીઓમાં આવેલ તમામ લોકોને ટોપી તેમજ ખેસ આપવામાં આવી રહ્યો છે. VTV ની ટીમે વેપારી સાથે વાત કરતા જણાવ્યું હતું કે ગતવર્ષની ચૂંટણી કરતા આ વખતે બજારમાં રાજકીય પાર્ટીના વિવિધ ખેસનું વેચાણ ઓછું જોવા મળી રહ્યું છે. જ્યારે આ વખતે જે પણ વેચાણ થયું છે તેમાં કોંગ્રેસ પાર્ટીનું વેચાણ વધારે જોવા મળી રહ્યું છે.
વિધાનસભાની ચૂંટણી માટે સાહિત્ય તૈયાર કરાયું
ચૂંટણીને તૈયારીને લઈને કોંગ્રેસ ભવન ખાતે તડામાર તૈયારીઓ હાથ ધરવામાં આવી છે તો બીજી તરફ અમદાવાદ કોંગ્રેસ કાર્યાલય ખાતે ખેસ, પાર્ટીનો ધ્વજ સહિતના સામગ્રી પહોંચી જવા પામી હતી. ત્યારે કોંગ્રેસ દ્વારા 2022 વિધાનસભાની ચૂંટણી માટે સાહિત્ય તૈયાર કરાયું છે. જે સાહિત્યની પણ કાર્યકરોને તેમજ ઉમેદવારોના આપી પોતાના મત વિસ્તારમાં પ્રચારમાં આપવા માટે મોકલવામાં આવ્યું હતું.
કોંગ્રેસ દ્વારા ઘોષણા પત્ર તૈયાર કરાયા
પહેલા તબક્કામાં યોજાનાર મતદાન માટે કોંગ્રેસ દ્વારા પ્રચાર-પ્રસાર માટે સાહિત્ય સહિત પક્ષનો ઝંડો, ખેસ સહિતના સામગ્રી ઉમેદવારોને ત્યાં મોકલી દેવાની કામગીરીની તડામારે તૈયારીઓ ચાલી રહી છે. ત્યારે કોંગ્રેસ દ્વારા લાખોની સંખ્યામાં ઘોષણા પત્રકો તૈયાર કરવામાં આવ્યા છે. જે કાર્યકરોને આપીને સોસાયટી-મહોલ્લા પોળોમાં પ્રચાર વખતે ઘોષણા પત્રને લોકો સુધી પહોંચાડવામાં આવી રહ્યા છે.
ધ્વજ, ફ્લેગ, ટોપી, ખેસ સહિતની સામગ્રી સુરતથી ખરીદી થાય છે
દરેક રાજકીય પાર્ટીના ધ્વજ, ફ્લેગ,ટોપી,ખેસનું ઉત્પાદનની વાત કરવામાં આવે તો મોટાભાગનું ઉત્પાદન સુરતમાંથી કરવામાં આવે છે. પહેલા અમદાવાદમાંથી ઉત્પાદન કરવામાં આવતું હતું. પરંતુ ફેક્ટરીઓને બંધ થઈ જતા છે.હાલમાં અમુક જ ફેક્ટરી જે છે એ અમદાવાદમાં કાર્યરત છે.પરંતુ મોટાભાગના વેપારી વર્ગના લોકો આ વસ્તુઓ સુરતની ફેક્ટરીઓમાંથી તૈયાર થાય છે. ત્યાંથી જ ટ્રાન્સફર દ્વારા અહીંયા મંગાવીએ છીએ.