રાજકોટમાં ભારે વરસાદથી ન્યારી ડેમ 2 છલકાયો છે. ભારે વરસાદના કારણે ડેમમાં નવાનીરની આવક થતા ન્યારી ડેમ ઓવર ફ્લો થયો છે.
ભારે વરસાદથી ડેમમાં જળ સપાટી ઉંચી આવતા તંત્ર એલર્ટ થઈ ગયું છે. મહત્વનું છે કે ન્યારી ડેમ 2માંથી સમગ્ર રાજકોટ શહેરને પીવાનું પાણી પૂરુ પાડવામાં આવે છે.
જેથી ન્યારી ડેમ ઓવર ફ્લો થતા શહેરના લોકોમાં ખુશી જોવા મળી હતી. આ ઉપરાંત ગુજરાતના અનેક જિલ્લાઓમાં મેઘમહેર થતાં નદી નાળા જળાશયો છલકાઈ રહ્યા છે.
આ તરફ સાબરકાંઠા જિલ્લામાં પણ ભારે વરસાદના પગલે મેશ્વો નદી બે કાંઠે વહી રહી છે. ઉપરવાસમાં ભારે વરસાદના કારણે મેશ્વો નદીમાં પુર આવતા ગ્રામજનોમાં ખુશીનો માહોલ જોવા મળ્યો છે.
બીજી તરફ પંચમહાલ જિલ્લામાં આવેલા હડફ ડેમમાં 600 ક્યુસેક પાણીની આવક થઈ છે. ડેમમાં પાણીની આવક થતા ડેમનો એક દરવાજો ખોલવામાં આવ્યો છે.
પાણીની આવક થતા ડેમની સપાટી 164.30 મીટર પર પહોંચી છે. રાજકોટમાં ભારે વરસાદથી ન્યારી ડેમ 2 છલકાયો છે. ડેમમાં નવાનીરની આવક થતા ડેમ ઓવરફ્લો થયો છે ત્યારે ખેડૂતોમાં આનંદનો માહોલ છવાયો હતો.