ગીર સોમનાથના સુત્રાપાડા નગર પાલિકા દ્વારા કરોડોના ખર્ચે દરિયા કિનારે બનાવેલી ચોપાટી વિવાદોમાં આવી છે, યુવાન કોર્ટના દ્વારે ગયો
સુત્રાપાડામાં તંત્રની બેદરકારી આવી સામે
દરિયા કિનારે બનાવેલી ચોપાટી વિવાદમાં
ચોપાટી બાબતે યુવાન ગયો કોર્ટના દ્વારે
ગીર સોમનાથના સુત્રાપાડા નગર પાલિકા દ્વારા કરોડોના ખર્ચે દરિયા કિનારે બનાવેલી ચોપાટી વિવાદોમાં આવી છે. ચોપાટી 4 વર્ષ પહેલા ખુલ્લી મુકાઈ હતી તે સમયે કંઇક અલગ જ દ્ર્શ્યો હતા. જોકે ત્યાર બાદ અત્યારે આ ચોપાટી ખંડેર જેવી હાલત થતાં સુત્રાપાડા શહેરના જ એક યુવાન દ્વારા પહેલા પ્રાદેશિક કમિશનર ભાવનગર અને આયોગને રજૂઆત કરતા યોગ્ય કાર્યવાહી ન થતાં આખો મામલો કોર્ટમાં પહોંચ્યો છે. અને યુવાને કોર્ટમાં પિટિશન દાખલ કરી છે. તેમજ યુવાન ના આક્ષેપ છે કે ચોપાટી બન્યા બાદ તેમાં રખાયેલા સાધનો પણ ગાયબ થયાના આક્ષેપો કર્યો છે.
ચોપાટી મુદ્દે યુવાને પિટિશન દાખલ કરી
ગીર સોમનાથના સુત્રાપાડામાં જ્યાં 5 વર્ષ પહેલાં દરિયા કિનારે કરોડોના ખર્ચે નગરજનો માટે ચોપાટીનું નિર્માણ થયું હતું. જે હાલ ખરાબ હાલતમાં જોવા મળી રહી છે. ચોપાટીએ બાળકોના રમત ગમતના સાધનો અને બેઠકો પણ અસ્તવેસ્ત થઈ ગયા છે. ચોપાટી પર કોઈ સુનામી એ તાંડવ મચાવ્યું હોય તેવી સ્થતિમાં જોવા મળી રહી છે. જ્યારે ચોપાટી 4 વર્ષ પહેલા ખુલ્લી મુકાઈ હતી તે સમયે કંઇક અલગ જ દ્ર્શ્યો હતા. જોકે ત્યાર બાદ અત્યારે આ ચોપાટીની હાલત ખરાબ થતાં સુત્રાપાડા શહેરના જ એક યુવાન દ્વારા પહેલા પ્રાદેશિક કમિશનર ભાવનગર અને આયોગ પણ ફરિયાદ કરતા યોગ્ય કાર્યવાહી ન થતાં આખો મામલો કોર્ટમાં પહોંચ્યો છે. યુવાને કોર્ટમાં પિટિશન દાખલ કરી છે. તેમજ યુવાનના આક્ષેપ છે કે ચોપાટી બન્યા બાદ તેમાં રખાયેલા સાધનો ગાયબ થઈ ગયાનો પણ આક્ષેપ કર્યો છે
પાલિકાના પૂર્વ પ્રમુખનું નિવેદન
સુત્રાપાડા નગર પાલિકાના પૂર્વ પ્રમુખ અને વર્તમાન સભ્ય દિલીપ બારડના મતે પાલિકા દ્વારા બનાવામાં આવેલી ચોપાટીને લઈ યુવાન ચેતન બારડ દ્વારા જે રજૂઆત કરાઈ છે તે તદન ખોટી છે અને વર્તમાન ગુજરાત વિધાનસભાની ચુંટણીને લઈ રાજકીય સ્ટંટ ઊભો કરી માત્ર તેઓને બદનામ કરવામાં આવી રહ્યા છે. તેમણે જણાવ્યું કે, ચોપાટી દરિયા કિનારે હોવાને કારણે તેમાં દર 6-8 મહિને રિનોવેશન કરવાનું થતું હોય છે જે ન થાય તો દરિયા કિનારો નજીક હોવાથી રમત ગમતના સાધનો તેનો ગુણવતા ગુમાવી દેતા હોય છે. તેમણે કહ્યું કે, ખોટી રીતે કોઈ ને કોઈ રીતે હેરાન કરવામાં આવી રહ્યા છે, બીજી તરફ ફરિયાદી યુવાન પર અનેક પ્રકારના ગંભીર ગુનાઓ દાખલ હોવાનું પાલિકાના પૂર્વ પ્રમુખ જાણવી રહ્યા છે.