બોઈંગ 737-800 પ્લેન કુઓમિંગથી ગુઆંગ્ઝુ જઈ રહ્યું હતું, પરંતુ તે ગુઆંગ્ઝીના પહાડોમાં ક્રેશ થયું. આ દુર્ઘટનામાં વિમાનમાં સવાર તમામ 123 મુસાફરોના મોત થયા હતા.
ચીનમાં થયેલી વિમાન દુર્ઘટનામાં ચોંકાવનારી માહિતી સામે આવી
એરક્રાફ્ટને કોઈએ ઈરાદાપૂર્વક નીચે ડાઈવ કરવા દબાણ કર્યું
આ વિમાન ટેંગના ગ્રામીણ વિસ્તારના વુઝોઉના નજીક ક્રેશ થયું હતું
ચીનમાં થયેલી વિમાન દુર્ઘટનામાં ચોંકાવનારી માહિતી સામે આવી
ચીનમાં આ વર્ષે થયેલા ભયાનક વિમાન દુર્ઘટના અંગે ચોંકાવનારી માહિતી સામે આવી રહી છે. બ્લેક બોક્સ ડેટા દર્શાવે છે કે, ચાઈના ઈસ્ટર્ન જેટના પ્લેનને ઈરાદાપૂર્વક ઊંચાઈ પરથી નીચે લાવીને ક્રેશ કરવામાં આવ્યું હતું. એક મીડિયા રિપોર્ટ અનુસાર કોકપિટમાં કોઈએ જાણી જોઈને પ્લેનને નીચે લાવીને ક્રેશ કર્યું અને થોડી જ સેકન્ડોમાં તે ચકનાચૂર થઈ ગયું. મહત્વનું છે કે, ગુઆંગ્ઝી પ્રાંતમાં થયેલા આ અકસ્માતમાં 123 મુસાફરોના મોત થયા હતા. રિપોર્ટ અનુસાર, પ્લેન ક્રેશની પ્રાથમિક તપાસમાં એવું કહેવામાં આવ્યું છે કે નષ્ટ થયેલા વિમાનના બ્લેક બોક્સના ફ્લાઈટ ડેટાનું વિશ્લેષણ કરવામાં આવ્યું હતું.
એરક્રાફ્ટને કોઈએ ઈરાદાપૂર્વક નીચે ડાઈવ કરવા દબાણ કર્યું
બેલ્ક બોક્સના આ ડેટા સૂચવે છે કે કોકપિટમાં કોઈએ ઈરાદાપૂર્વક એરક્રાફ્ટને નીચે ડાઈવ કરવા દબાણ કર્યું હતું. જોકે, એરલાઈન્સ અને નેશનલ ટ્રાન્સપોર્ટેશન સેફ્ટી બોર્ડે હજુ સુધી આ રિપોર્ટ પર કોઈ ટિપ્પણી કરી નથી.
ઘટના શું હતી ?
આપને જણાવી દઈએ કે, બોઇંગ 737-800 એરક્રાફ્ટ કુઓમિંગથી ગુઆંગ્ઝૂ જઈ રહ્યું હતું, પરંતુ તે ગુઆંગ્ઝીના પહાડોમાં ક્રેશ થયું. આ દુર્ઘટનામાં વિમાનમાં સવાર તમામ 123 મુસાફરોના મોત થયા હતા. ચીનમાં છેલ્લા ત્રણ દાયકામાં આ સૌથી મોટી વિમાન દુર્ઘટના હતી. ચીનનું ઈસ્ટર્ન પેસેન્જર પ્લેન 23 માર્ચે પહાડી પર ક્રેશ થયું હતું, જેમાં 132 લોકો સવાર હતા. આ પ્લેન ક્રેશના ડરામણા વીડિયો ફૂટેજ સામે આવ્યા હતા, જેમાં પ્લેન નાક સાથે લાઇનમાં જમીન પર આવતું જોવા મળ્યું હતું.
આ વિમાન ટેંગના ગ્રામીણ વિસ્તારના વુઝોઉના નજીક ક્રેશ થયું હતું
આ વિમાન ટેંગ ગ્રામીણ વિસ્તારના વુઝોઉ નજીક ક્રેશ થયું હતું. જેને લઈને પર્વત પર આગ લાગી હતી. ફ્લાઈટ ટ્રેકર FlightRadar24ના જણાવ્યા અનુસાર વિમાન માત્ર 2.15 મિનિટમાં 29 હજાર ફૂટની ઊંચાઈથી 9,075 ફૂટ પર આવી ગયું હતું. તે આગામી 20 સેકન્ડ માટે 3,225 ફીટ પર હતું અને તે પછી ફ્લાઇટનો સંપર્ક તૂટી ગયો. સામાન્ય ઉડાન દરમિયાન આટલી ઊંચાઈ પરથી નીચે આવવામાં લગભગ 30 મિનિટનો સમય લાગે છે.