સારા સમાચાર / બાળકોનું વેક્સિનેશન ડિસેમ્બરના આ સમયગાળાથી શરૂ થઈ શકે છે, જાણો પહેલા કોને પ્રાથમિકતા મળશે

• ડિસેમ્બરના પહેલા સપ્તાહથી બાળકોને વેક્સિન અપાશે 
• 6 કરોડ બાળકોથી વેક્સિનેશનની શરૂઆત કરવામાં આવશે
• ગંભીર બિમારી વાળા બાળકોએ પહેલા વેક્સિન મળશે 

ભારતમાં વિશ્વનું સૌથી મોટું વેક્સિનેશન અભિયાન ચાલી રહ્યું છે. અત્યાર સુધીમાં 109 કરોડ વેક્સિનના ડોઝ આપવામાં આવ્યા છે. જોકે હજુ સુધી બાળકોને  વેક્સિન આપવાની શરૂઆત કરવામાં નથી આવી. પરંતુ હવે ડિસેમ્બરના પહેલા સપ્તાહથી બાળકોને વેક્સિન આપવાની શરૂઆત કરવામાં આવી શકે છે. 

ગંભીર બિમારી વાળા બાળકોને પહેલા વેક્સિન મળશે 

દેશમાં 18 વર્ષથી ઓછી ઉંમરના 44 કરોડ બાળકો છે. પરંતુ સૌથી પહેલા 6 કરોડ બાળકોથી વેક્સિનનેશનની શરૂઆત કરવામાં આવશે. જેમને ગંભીર બીમારી છે. વેક્સિનેશનને લઈને ડિટેલ પ્લાન પણ તૈયાર કરી દેવામાં આવ્યો છે. જેમા જે બાળકોને બિમારી હશે તેવા બાળકોના મતાપિતાએ પહેલા તે બિમારીનું સર્ટિફિકેટ બતાવવું પડશે.

ડિસેમ્બરની શરૂઆતમાં બાળકોને વેક્સિન મળશે 

બાળકોને વેક્સિન આપવાને લઈને ઝાયકોવ ડી અને કોવેક્સિનની વેક્સિન લાઈનમાં ઉભી છે. જોકે ડિસેમ્બરની શરૂઆતમાં બાળકોને પહેલા કોવેક્સિન આપવામાં આવશે. ઘણા બધા દેશોમાં બાળકોને કોરોના વેક્સિન આપવાનું શરૂ કરી દેવામાં આવ્યું છે. જેને લઈને મોદી સરકાર પર ત્યા ધ્યાન રાખીને બેઠી છે. 

અમેરિકા અને ચીનમાં બાળકોને વેક્સિન આપવાનું શરૂ 

અમેરિકામાં 5થી 11 વર્ષના બાળકોને ફાઈઝર વેક્સિન આપવાની શરૂઆત કરી દેવામાં આવી છે. ચીનમાં પણ ત્રણ વર્ષકથી વધુ ઉંમરના બાળકોને વેક્સિન આપવાની શરૂઆત કરી દેવામાં આવી છે. ભારતમાં ઝાયડસ કેડિલાની સ્વદેશી વેક્સિન ઝાયકોવ ડી પહેલી ઈન્જેકશન મુક્ત વેક્સિન છે.જે વેક્સિનને 12 થી 18 વર્ષના બાળકોને આપવામાં આવશે.