વડોદરા / કરજણ સામૂહિક દુષ્કર્મ અને હત્યા કેસમાં પીડિતાના બાળકોને મળી મોટી સહાય, ડિસ્ટ્રીક્ટ લીગલ ઓથોરિટી આપશે વળતર

• મૃતક મહિલાના બાળકોને મળી મોટી સહાય 
• 6 શખ્સોએ મહિલા સાથે આચર્યું હતું સામૂહિક દુષ્કર્મ 
• ડિસ્ટ્રીક્ટ લીગલ ઓથોરિટી આપશે 27 લાખનું વળતર 

વડોદરાના કરજણમાં થોડાક સમય પહેલ એક પરિણીતા સાથે સામૂહિક દુષ્કર્મ અને હત્યાનો મામલો સામે આવ્યો હતો. જે મુદ્દે મહિલાના ત્રણ સંતાનનો હાલ 27 લાખ રૂપિયાની સહાય આપવામાં આવી છે. ડિસ્ટ્રીક્ટ લીગલ સર્વિસ ઓથોરિટી દ્વારા આ સહાય આપવાનો નિર્ણય લેવામાં આવ્યો છે. જેમા ડાયરેક્ટ બાળકોના બેન્ક એકાઉન્ટનાં નાણા જમા કરવામાં આવશે. 

દુષ્કર્મ આચરી પરિણીતાની હત્યા કરી 

આપને જણાવી દઈએ કે ડિસ્ટ્રીક્ટ અને લીગલ સર્વીસ ઓથોરિટી પ્રિન્સિપાલ જજની અંડરમાં કામ કરે છે અને તેના દ્વારાજ આ નિર્ણય લેવામાં આવ્યો છે. આરોપીઓએ પરિણીતા સાથે દુષ્કર્મ આચર્યું તેની સાથે સૃષ્ટિ વિરુદ્ધનું કૃત્ય પણ આચર્યું હતું અને બાદમાં તેની હત્યા કરી નાખી હોવાનું સામે આવ્યું હતું.

ખેતરમાંથી મળ્યો મૃતદેહ 

સાંજના સમયે જ્યારે મૃતક પીડિતા ગામની સીમમાં ઘાસ કાપવા ગઈ તે સમયે આરોપીઓએ તેની સાથે દુષ્કર્મ આચર્યું હતું અને બાદમાં ગળે ટૂંપો આપીને તેની હત્યા કરી નાખી હતી. મોડી રાત સુધી પરિણીતા ઘરે પરત ન આવી તો પરિવારજનોએ તેની શોધખોળ આરંભી હતી ત્યારે ખેતરમાંથી તેનો મૃતદેહ મળી આવ્યો હતો.

એક આરોપીની અટકાયત બાદ સમગ્ર મામલો સામે આવ્યો 

સમગ્ર મામલે પોલીસે ડોગ સ્કોડની મદદથી ઉકેલી કાઢ્યો હોવાનું સામે આવ્યું છે. આરોપીઓએ જ્યા હત્યા કરી હતી ત્યાથી 400 મીટરના અંતરે તેઓ રહેતા હતા. જ્યા ડોગ ક્વોડની ટીમ પહોચી અને ડોગ તેની સામે ભસી રહ્યો હતો જેથી પોલીસે એક આરોપીની અટકાયત કરીને તેની પૂછપરછ કરી જે પૂછપરછમાં તે ભાંગી પડ્યો હતો. સાથેજ તેમે અન્ય એક આરોપીનું નામ પણ આપ્યું જે આ ગુનામાં શામેલ હતો. 

ગળે ટૂંપો આપીને કરી હતી મહિલાની હત્યા 

ઉલ્લેખનીય છે કે સમગ્ર મામલે પોલીસ તપાસમાં એવું સામે આવ્યું હતું કે કુલ 6 આરોપીઓએ મહિલા સાથે દુષ્કર્મ આચર્યું હતું. બાદમાં તે લોકોએ મહિલાને ગળે ટૂપો આપીને મોતને ઘાટ ઉતારી દીધી અને પરત તેમના ઘરે રહેવા જતા રહ્યા હતા. જોકે પોલીસે ગણતરીના દિવસોમાં આ હત્યાનો ભેદ ઉકેલી કાઢ્યો અને આરોપીઓને તેમની કરતૂતને કારણે આજે જેલના સળીયા ગણવાનો વારો આવ્યો છે.