કોરોના વાયરસના કહેર વચ્ચે દેશમાંથી ડરાવણી તસવીરો સામે આવી રહી છે. હાલમાં જ પુણેમાં ઘરમાંથી 18 મહિનાનું બાળક મળ્યું જે પોતાની માતાની લાશ પાસે બેઠુ હતુ પરંતુ તેની મદદે કોઇ આવ્યુ નહોતું.
મહારાષ્ટ્રમાં માનવતા શર્મસાર થઇ
માતાની મોત બાદ બાળક થયુ લાચાર
2 દિવસ ભૂખ્યુ તરસ્યુ બેઠુ હતુ
મહારાષ્ટ્રના પુણેમાં એક ઘરમાં માત્ર 18 વર્ષનુ બાળક તેની માતાના શબ પાસે બેઠુ હતુ પરંતુ કોવિડના ડરથી તેની મદદે કોઇ નહોતુ આવ્યું. તેવામાં બે મહિલા કોન્સ્ટેબલે આગળ આવીને મદદનો હાથ આગળ વધાર્યો હતો.
પિંપરી ચિંચવાડમાં સ્થિત એક ઘરમાં જે લાશ મળી છે આશંકા છે કે તે શનિવારે મૃત્યુ પામી હશે. તે બાદથી જ બાળક શબ પાસે ભુખ્યુ તરસ્યુ બેઠુ હતુ. કહેવામાં આવી રહ્યું છે કે કોવિડના ડરથી કોઇ તે બાળકની મદદે આવ્યુ નહી. મજબૂરીમાં આવીને મકાન માલિકે પોલીસને સૂચના આપી હતી.
સોમવારે ઘરમાં દાખલ થયેલી પોલીસે જોયુ કે ઘરમાં મહિલાનુ શબ પડ્યુ છે અને બાળક તેની પાસે બેઠુ છે. જે બાદ પોલીસ કોન્સ્ટેબલ સુશીલા અને રેખાએ બાળકને સંભાળ્યુ અને તેને જમાડ્યુ. સુશીલા કહે છે કે, તેના પણ બે બાળક છે અને આ બાળક મને મારા જેવુ લાગ્યુ. બાળક ભૂખ્યુ હતુ એટલે તે જલ્દી દુધ પી ગયુ અને હવે બાળક ઠીક છે.
રેખાએ કહ્યું અમે બાળકને જ્યારે ડૉક્ટર પાસે લઇ ગયા ત્યારે તેને થોડો તાવ હતો અને તેમણે અમને બાળકને વ્યવસ્થિત ભોજન કરાવવાનું કહ્યું. બાદમાં અમે તે બાળકને કોરોનાની તપાસ માટે લઇ ગયા પરંતુ તે કોવિડ નેગેટીવ છે. જે બાદ તેને શિશુ ગૃહમાં મોકલી દેવામાં આવ્યો છે.