ચેતવણી / બિહારના મુખ્યમંત્રીએ આપ્યો યુવાઓને સંદેશ, કહ્યું કે- કેમ છોડ્યો મોબાઈલનો ઉપયોગ

• બિહારના મુખ્યમંત્રીએ મોબાઈલનાં વધુ પડતા ઉપયોગ અંગે આપ્યો સંદેશ
• મોબાઈલના વધુ પડતા ઉપયોગ અંગે યુવાઓને આપ્યો સંદેશ
• હું પોતે મોબાઈલનો ઉપયોગ નથી કરતો: નીતિશ કુમાર

 બિહારના મુખ્યમંત્રી નીતિશ કુમારે મોબાઈલનાં વધુ પડતા ઉપયોગમાં ફસાયેલા યુવાનોને મોટો સંદેશ આપ્યો છે. તેમણે કહ્યું કે મોબાઈલ પર સારી વસ્તુઓ માટે સમય ફાળવવો ઠીક છે, પરંતુ માત્ર તેના પર નિર્ભર રહેવું યોગ્ય નથી. આપણે આપણી આસપાસના લોકોને મળવું જોઈએ અને વાત કરવી જોઈએ. નીતિશ કુમારે કહ્યું કે જ્યારે તેણે મોબાઈલની વધતો ઉપયોગ જોઈ તો તેનો ઉપયોગ કરવાનું બંધ કરી દીધું.

છોકરી આવતી ત્યારે લોકો તાકી રહેતા
પટનાના શ્રી કૃષ્ણ મેમોરિયલ હોલમાં આયોજિત એજ્યુકેશન ડે ફંક્શનમાં નીતીશ કુમારે પોતાના જૂના દિવસોની યાદ કરતા કહ્યું કે અમારા જમાનામાં કોલેજમાં કોઈ છોકરી આવતી હતી, ત્યારે લોકો કુતૂહલથી તેને જોવા લાગતા હતા. ત્યારે આજે બિહારમાં શિક્ષણ ક્ષેત્રે છોકરા-છોકરીઓ સમાન છે.

નીતિશ કુમારે શિક્ષણ ક્ષેત્રે થયેલા ફેરફારોની ગણતરી કરી
આ દરમિયાન નીતિશ કુમારે યુવાનોને મોબાઈલની લતમાંથી બહાર નીકળવાની શીખ આપી હતી. તેમણે યુવાનોને શિક્ષણ ક્ષેત્રે પરિવર્તન માટે પોતાના પ્રયાસો વિશે પણ માહિતી આપી હતી. બિહારમાં તેમની સરકાર બન્યા બાદ શિક્ષણ ક્ષેત્રે કેવી રીતે બદલાવ આવ્યો તે જણાવ્યું. ખાસ કરીને કન્યા કેળવણીની દિશામાં નોંધપાત્ર કામગીરી કરવામાં આવી હતી.

નીતીશ કુમારે શિક્ષકોની પુનઃસ્થાપન પર પણ કહ્યું
નીતિશ કુમારે કહ્યું કે બિહારમાં શિક્ષકોની પુનઃસ્થાપના ટૂંક સમયમાં થશે. તેમણે નવી શાળાઓ અને શૈક્ષણિક સંસ્થાઓ ખોલવાની પણ વાત કરી. મુખ્યમંત્રી નીતિશ કુમારે કહ્યું કે જે શિક્ષકો યોગ્ય રીતે ભણાવતા નથી તેમની સામે કાર્યવાહી થવી જોઈએ. તેમજ સારા શિક્ષકોને પ્રોત્સાહિત કરવા જોઈએ.