ભૂપેન્દ્ર પટેલ સરકાર 2.0 / શપથ લીધા બાદ હવે કમુરતા પહેલા મુખ્યમંત્રી અને મંત્રીમંડળ સૌથી પહેલું કરશે આ કામ

• કમુરતા પહેલા નવી સરકારના મંત્રીઓ કાર્યભાર સંભાળશે 
• મુખ્યમંત્રી ભુપેન્દ્ર પટેલ આજે પોતાનો કાર્યભાર સંભાળશે
• સવારે 10.30 કલાકે CM ભુપેન્દ્ર પટેલ પોતાનો કાર્યભાર સંભાળશે
• સિનિયર મંત્રી ઋશિકેષ પટેલ,જગદીશ પંચાલ ચાર્જ સંભાળશે 
• બળવંતસિંહ રાજપૂત પોતાનો ચાર્જ સંભાળશે

ગુજરાતમાં પ્રચંડ જીત બાદ ભાજપે ગઇકાલે ભારે બહુમતી સાથે સરકાર બનાવી દીધી છે. ગઇકાલે વડાપ્રધાનની હાજરીમાં મુખ્યમંત્રી તરીકે ભૂપેન્દ્ર પટેલે શપથ ગ્રહણ કર્યા હતા. ભૂપેન્દ્ર પટેલની સાથે 16 મંત્રીઓએ પણ શપથ ગ્રહણ કર્યા હતા. જોકે હવે કમુરતા પહેલા નવી સરકારના મુખ્યમંત્રી અને મંત્રીમંડળ આજે જ પોતાનો કાર્યભાર સંભાળશે. 

ગુજરાતના 18માં મુખ્યમંત્રી તરીકે ભૂપેન્દ્ર પટેલે શપથ ગ્રહણ કર્યા બાદ હવે આજે તેઓ પદભાર સંભાળશે. કમુરતા પહેલા નવી સરકારના મંત્રીઓ પણ આજે કાર્યભાર સંભાળશે. આજે સવારે 10.30 કલાકે CM ભુપેન્દ્ર પટેલ પોતાનો કાર્યભાર સંભાળશે. આ સાથે સિનિયર મંત્રી ઋષિકેશ પટેલ, જગદીશ પંચાલ પણ ચાર્જ સંભાળશે. તો બળવંતસિંહ રાજપુત પણ આજે પોતાનો ચાર્જ સંભાળશે. મહત્વનું છે કે, ગઇકાલે એટલે કે સોમવારે જ તમામ મંત્રીઓએ ચેમ્બર સોંપાઈ છે. 

નોંધનીય છે કે, ભૂપેન્દ્ર પટેલની સાથે કેબિનેટ અને રાજ્યકક્ષાના મંત્રીઓએ પણ શપથ ગ્રહણ કર્યા છે. જોકે નવા મંત્રીમંડળના સભ્યોને ખાતાઓની વહેંચણી પણ કરવામાં આવી દીધી છે. જેમાં 16 મંત્રીઓનો સમાવેશ થાય છે તમને જણાવી દઈએ કે, પ્રવકતા મંત્રી તરીકે કનુભાઈ દેસાઈ અને ઋષિકેશ પટેલની નિમણૂક કરવામાં આવી છે.

મંત્રીઓને ખાતા ફાળવાયા 

આજે શપથવિધી બાદ નવા મંત્રીમંડળની પહેલીવાર બેઠક યોજાઈ હતી જેમાં તેમને વિવિધ ખાતાઓની વહેચણી કરવામાં આવી છે ઉચ્ચ શિક્ષણ મંત્રી ઋષિકેશ પટેલને બનાવ્યા છે જ્યારે બળવંતસિંહ રાજપૂતને ઉદ્યોગ મંત્રી તરીકેને જવાબદારી સોંપવામાં આવી છે જ્યારે કુબેર ડિંડોરને પ્રા.શિક્ષણ,આદિજાતિ મંત્રાલય અપાયું છે જ્યારે રાઘવજી પટેલને ફરી કૃષિ વિભાગ સોંપાયું છે.