ફાયદાની વાત / દુનિયાના આ 5 દેશોમાં મળે છે સસ્તું સોનુ, જ્યારે ભારતના આ રાજ્યમાં મળે છે સૌથી ઓછી કિંમતે

• આ દેશોમાં મળે છે સસ્તુ સોનુ 
• ભારત કરતા ઓછી કિંમતમાં સોનુ 
• સોનુ ખરીદનાર લોકો માટે કામની વાત 

દુબઇ

દુબઇનુ નામ સાંભળતા જ લોકોના મનમાં સોનુ ખરીદવાની વાત આવી જાય છે. દુબઇમાં દિએરા નામની એક જગ્યા છે, જ્યાં ગોલ્ડ સાઉક એરિયા ગોલ્ડ શોપિંગનુ હબ માનવામાં આવે છે. તે સિવાય દુબઇમાં જોયાલુકાસ, ગોલ્ડ અને ડાયમંડ પાર્ક અને માલાબાર ગોલ્ડ જેવા બજારો પણ છે જેથી તમે અહીંથી ઓછી કિંમતમાં સોનુ ખરીદી શકો છો. 

થાઇલેન્ડ 
ઓછી કિંમતમાં સોનાની ખરીદી માટે લોકોની સૌથી ફેવરિટ જગ્યા બેન્કોક પણ છે. અહીં તમને ઓછા માર્જીનમાં ગોલ્ડ મળી જાય છે. તે સિવાય વેરાયટી પણ ઘણી સારી હોય છે. અહીં ચાઇના ટાઉનમાં યાવોરાત રોડ સોનુ ખરીદવા માટે સૌથી સારી જગ્યા માનવામાં આવે છે. 

હોંગકોંગ
હોંગકોંગ દુનિયાભરમાં પોતાના શોપિંગ હબ માટે જાણીતુ છે પરંતુ તમે જાણીને ચોંકી જશો કે અહીં સોનુ ખુબ જ ઓછી કિંમત પર મળે છે. હોંગકોંગ દુનિયાના સૌથી એક્ટિવ ગોલ્ડ ટ્રેડિંગ માર્કેટમાંથી એક છે. તે સિવાય અહીંની ગોલ્ડ ડિઝાઇન દુનિયાભરમાં ફેમસ છે. 

સ્વિઝરલેન્ડ 
સમગ્ર દુનિયામાં સ્વિઝરલેન્ડ પોતાની ડિઝાઇન કરેલી ઘડિયાળો માટે જાણીતુ છે પરંતુ અહીં સોનાનો પણ ઘણો સારો કારોબાર થાય છે. સ્વિઝરલેન્ડના જ્યુરિખ શહેર પોતાના ગોલ્ડ માર્કેટ માટે જાણીતુ છે. અહીં તમને હેન્ડમેડ ડિઝાઇનર ઘરેણા મળે છે. અહી કામ કરનારા લોકો પેઢી દર પેઢી આ જ કામ કરે છે. 

કેરળ 
આ સિવાય ભરતના કેરળ રાજ્યમાં પણ ઘણુ સસ્તુ સોનુ મલે છે. કેરળ રાજ્યના કોચિન શહેરમાં માલાબાર ગોલ્ડ, ભીમા જ્વેલ્સ, જોયાલુકાસ જેવી કેટલીક જગ્યાઓ પર ઓછી કિંમતમાં સોનુ ખરીદવાની તક મળે છે. કેરળમાં જુના ઘરેણા પર નવા ઘરેણા બદલવાની પ્રથા છે.