ઉત્તરાખંડ / જો ચારધામની યાત્રાએ જવાના છો તો એક વાર વિચારી લેજો, ઉત્તરાખંડ સરકારે લીધો આ મોટો નિર્ણય

• ભારે વરસાદને કારણે ચારધામ યાત્રા રોકવામાં આવી 
• હજારો યાત્રાળુંઓ ઉત્તરાખંડમાં ફસાયા 
• ગૃહમંત્રી અમિતશાહે ફોન કરીને પરિસ્થિતીની જાણકારી મેળવી 

ઉત્તરાખંડમાં ભારે વરસાદને કારણે ચારધામ યાત્રાને રોકવામાં આવી છે. ભારે વરસાદને કારણે કુલ 65 જેટલા રસ્તા અત્યાર સુધીમાં બંધ કરી દેવામાં આવ્યા છે. જેના કારણે હજારો યાત્રીઓ ફસાઈ ગયા છે. જેમા સૌથી વધારે કેદારનાથમાં કુલ 2700 જેટલા નાગરીકો ફસાયા હોવાનું સામે આવ્યું છે. 

પર્યટકોનું ધ્યાન રાખવા આદેશ 

સમગ્ર મામલે ગૃહમંત્રી અમિતશાહે ફોન પર જાણકારી મેળવી છે , ઉપરાંત મુખ્યમંત્રીએ પણ પર્યટકોનું ખાસ ધ્યાન રાખવા માટેના આદેશ જાહેર કર્યા છે. સાથેજ જે લોકો વરસાદમાં ફસાયા થે. તેમને જરૂર પડે તો હેલિકોપ્ટર દ્વારા પણ મદદ આપવા આદેશ આપ્યા છે. 

કેદારનાથમાં 2700 યાત્રાળુંઓ ફસાયા 

ભારે વરસાદને કારણે વાતાવરણ બગડી જતા ચારધામ યાત્રાને પૂરી રીતે રોકી દેવામાં આવી છે. વરસાદને કારણે સરકાર પણ એલર્ટ થઈ ગઈ છે જોકે ઘણા બદા યાત્રાળુંઓ ફસાઈ ગયા છે. જેમા બદ્રીનાથમાં 2 હજાર યાત્રાળુંઓ ફસાઈ ગયા છથે. કેદારનાથમાં 2700 યાત્રાળુંઓ ફસાયા છે અને ગંગોત્રીમાં 300 જેટલા યાત્રાળુંઓ ફસાઈ ગયા છે. 

યાત્રાળુંઓને યાત્રાધામમાં રોકોવા અપીલ કરાઈ 

દરેક યાત્રાળુંને જ્યા સુધી પરિસ્થિતી ન સુધરે ત્યા સુધી ત્યા સુધી યાત્રા ધામમાંજ રોકવામાં આવ્યા છે. જોકે તંત્ર દ્વારા યાત્રાળુંઓને દરેક સુવિધા આપવામાં આવી રહી છે. ગઈકાલથી ઉત્તરાખંડમાં ભારે વરસાદ પડી રહ્યો છે જેથી યાત્રાળુંઓને હાલ યાત્રા રોકવા માટે સરકારે અપીલ કરી છે. સાથેજ દરેક યાત્રાળુ હોટલ અને ધર્મશાળામાં રોકાય તેવી વ્યવસ્થા કરવામાં આવી છે.