પ્રશંસા / કેજરીવાલ સરકારની કામગીરી પર કેન્દ્રનું નીતિ આયોગ ઓળઘોળ, આ મુદ્દે કર્યા વખાણ 

• દિલ્હી સરકારની કામગીરી પર મંજૂરીની મહોર 
• આપ સરકારની કામગીરીને નીતિ આયોગે વખાણી 
• સરકારી શાળાઓ મુદ્દે કેજરીવાલ સરકારની કામગીરી વખાણી 

નીતિ આયોગે આજે દિલ્હી સરકારના સરકારી શાળાઓ ક્ષેત્રે કરેલા કામને વખાણ્યું હતું, અને કહ્યું હતું કે દિલ્હી સરકારની મદદ મેળવતી શાળાઓએ દેશની રાજધાનીને રાષ્ટ્રીય ઉપલબ્ધિ સર્વેક્ષણમાં સર્વાધિક અંકને પ્રાપ્ત કરવામાં મદદ કરી છે. 

દિલ્હીએ સૌથી વધુ 44.73 નો NAS સ્કોર નોંધાવ્યો છે 

ભારતીય ઇનોવેશન ઇંડેક્સ 2020માં બધા રાજ્યોએ સરેરાશ 35.66નું રેટિંગ મેળવ્યું છે, જેના પ્રમાણે દિલ્હીની વધારે આવક અને સરકારી શાળાઓમાં કરવામાં આવેલા કામને લીધે દિલ્હીએ સૌથી વધુ 44.73 નો NAS સ્કોર નોંધાવ્યો હતો. 

આ ઇંડેક્સ પ્રમાણે દેશભરમાં એન્જિનીયરિંગ અને ટેકનિકલ સિલેબસ  ધરાવતી સંસ્થાઓમાં લોકોના એડમિશન ઓછા થઈ રહ્યા છે અને અ આંકડો દેશના દક્ષિણના રાજ્યોમાં વધુ હતોન જ્યારે કે પૂર્વોત્તરના રાજ્યોમાં તેનો ભાગ ઓછો રહ્યો હતો. 

યુપી અને ઉત્તરાખંડમાં ભાજપ માટે મુશ્કેલી 

મહત્વનું છે કે આગામી યુપી અને ઉત્તરાખંડની વિધાનસભા ચૂંટણીઓમાં ઉતરવાની ઘોષણા કરી ચૂકેલી આમ આદમી પાર્ટી માટે આ બધી ઉપલબ્ધીઓ માર્કેટિંગનું સબળ હથિયાર બની જશે અને આ બંને રાજ્યોમાં હાલમાં ભાજપની જ સરકાર છે અને શિક્ષા અને આરોગ્યના મુદાઓ પર નબળી કામગીરીને લઈને આમ આદમી પાર્ટી પહેલાથી જ બંને રાજ્યોની ભાજપ સરકાર પર નિશાનો સાધી ચૂકી છે.