AMCની મફત મળતી ડ્રાઈવ-થ્રૂ વૅક્સિનેશન બંધ થતા વિવાદ સર્જાયો છે, ઓન સ્પોટ રજિસ્ટ્રેશન પર 1000 રૂપિયામાં રસી આપવાનું શરૂ કરાતા કોંગ્રેસે ઉઠાવ્યા સવાલ
AMCની મફત મળતી ડ્રાઈવ-થ્રૂ વૅક્સિનેશન બંધ થતા વિવાદ સર્જાયો છે, ઓન સ્પોટ રજિસ્ટ્રેશન પર 1000 રૂપિયામાં રસી આપવાનું શરૂ કરાતા કોંગ્રેસે ઉઠાવ્યા સવાલ છે, એપોલો હોસ્પિટલને પીપીપી ધોરણે ઓનસ્પોટ વેક્સિનેશન માટે મંજૂરી આપતા કોંગ્રેસે સરકાર પર સવાલો ઉઠાવ્યા છે જેને લઈ પ્રદેશ કોંગ્રેસના નેતાઓ એ રાજ્યાલ સાથે મળવા પહોંચ્યા હતા.
સરકારની બેવડી નીતિ જોવા મળી
કોંગ્રેસના પાંચ વરિષ્ઠ નેતાઓએ રાજ્યપાલ સાથે મુલાકાત કરી વર્તમાન સ્થિતિને લઈને રાજ્યપાલ સાથે રજૂઆત કરી છે, મુલાકાત બાદ પ્રદેશ પ્રમુખ અમિત ચાવડાએ નિવેદન આપતા જણાવ્યું હતું કે એક વર્ષથી ગુજરાત કઠિન સમયમાંથી પસાર થઈ રહ્યું છે. ત્યારે બીજી તરફ રાજ્ય સરકાર દ્વારા ઓન સ્પોટ માટે મંજૂરી આપવામાં આવી છે પરંતું સરકારી કેન્દ્રો પર વેક્સિન માટે ઓન લાઈન રજિસ્ટ્રેશન ફરજીયાત કરાવાયું છે. આમ સરકારની બેવડી નીતિ જોવા મળી રહી છે.
મેન મેડ ડિઝાસ્ટર છે, આ ગર્વમેન્ટ મેડ ડિઝાસ્ટર છે
વધુમાં પ્રદેશ પ્રમુખ અમિત ચાવડા જણાવ્યું કે અમે પહેલેથી જ આને મેન મેડ ડિઝાસ્ટર છે, આ ગર્વમેન્ટ મેડ ડિઝાસ્ટર છે,સરકારની દુરંદેશીના અભાવ અને અનઆવડતને કારણે લોકો આજે મરી રહ્યા છે, કોરોનાની સારવારમાં તો સરકાર સંપૂર્ણ નિષ્ફષ ગઈ, ઓક્સિજન, બેડ, વેક્સિનેશન, વેન્ટિલેટરને કારણે લોકોના મોત થયા 1લી મેથી ગુજરાતમાં 18 વર્ષથી મોટી ઉંમરના તમામ લોકોને વેક્સિનેશન આપવામાં આવશે તેવી જાહેરાત કરવામાં આવી પરંતું સરકારની કોઈ પૂર્વ તૈયારીઓ નહોતી અને ન તો કોઈ આયોજન હતું દર ત્રીજા દિવસે નિર્ણયો બદલાયા.
ખાનગી હોસ્પિટલોએ કોરોના કાળમાં જે રીતે લૂંટ ચલાવી
અમિત ચાવડાએ એમ પણ જણાવ્યું કે એક બાજુ ગુજરાતમાં લોકો વેક્સિન લેવા માટે લાઈનોમાં લાગ્યા હોય છે દિવસો સુધી વેક્સિનનો વારો નથી આવતો બીજી બાજુ ખાનગી હોસ્પિટલોએ કોરોના કાળમાં જે રીતે લૂંટ ચલાવી હતી તેવી જ લૂંટ વેક્સિનેશન પ્રક્રિયામાં ચલાવવામાં આવી રહી છે. અને સરકારે મુક પ્રક્ષેક બનીને જોઈ રહી છે એક તરફ સરકારી કેન્દ્રો પર વેક્સિન મળતા નથી અને ખાનગી હોસ્પિટલો દ્વારા 1000 રૂપિલા લઈ વેક્સિનેશન કરી આપવામાં આપવામાં આવે છે.
AMC ને મોડી રાત્રે ભૂલ સમજાઈ
જ્યારે કોંગ્રેસ પ્રવક્તા જયરાજસિંહ પરમારે નિવેદન આપતા જણાવ્યું હતું કે જે રીતે અમદાવાદ GMDC ગ્રાઉન્ડ પર વેક્સિનેશ કાર્યક્રમ શરૂ કર્યો છે તે ખૂબ જ નિંદનિય છે. સૌથી અગત્યની બાબત એ છે કે તેમ પ્રાઈવેટમાં વેક્સિનેશન આપો તેનો વાંધો નથી પરંતું એક હજાર રૂપિયા વસુલ કરવાની વાત આવે ત્યારે 600 રૂપિયામાં કેન્દ્ર સરકારે ખાનગી કંપનીઓને ખરીદવાનું કહ્યું છે ત્યારે તો 400 રૂપિયા વહીવટી ચાર્જ કઈ રીતે હોઈ શકે ? સૌથી પહેલા તો AMC એ આ ભૂલ ગઈ કાલે રાત્રે જાહેરાત કરી મોડી રાત્રે ભુલ સમજાતા ઝાંખા પડ્યા.
કેન્દ્ર સરકાર ભીસમાં છે, સમગ્ર જવાબદારી રાજ્ય પર ઢોળવા માંગે છે
વધુમાં જયરાજસિંહે જણાવ્યું કે અમદાવાાદ મ્યુનિસિપલ કોર્પોરેશન પોતાના સેન્ટરો પર જાઓ તો ત્યાં સ્થળ ઉપર વેક્સિન લઈ શકતા નથી, ગુજરાતના 18થી વધુ વયના યુવાનોને વેક્સિન મળી શકતી નથી ત્યારે સ્પેશિલ કેસમાં એપોલો હોસ્પિટલને કેમ છુટછાટ આપવામાં આવી ? એ પણ એક ચર્ચાનો વિષય છે, રસીકરણ કાર્યક્રમમાં કેન્દ્ર સરકારે ધંધો શરૂ કર્યો છે, વડાપ્રધાને આખી જવાબદારી રાજ્ય સરકાર પર ઢોળી દીધી છે, સ્ટોલ નથી ત્યારે કેન્દ્ર સરકાર ભીસમાં મુકાય છે, સમગ્ર જવાબદારી રાજ્ય સરકાર પર ઢોળવા માંગે છે, છબી ખરડાય તો રાજ્ય સરકારની ખરડાય આ નીતિથી ભારત સરકારનો ભાંડો ફુટી ગયો છે..
આ તરફ GMDCમાં ડ્રાઈવ થ્રુ વેક્સિનેશન શરૂ થયા બાદ વિવાદનો મધપૂડો છંછેડાયો છે ત્યારે આ મામલે નાયબ મુખ્યમંત્રી નીતિન પટેલે મહત્વનું નિવેદન આપ્યું છે.
નિર્ણય AMCએ પોતાની રીતે કર્યો છે.
વૈષ્ણોદેવી સર્કલ પાસે આકાર પામેલ અમદાવાદ-ગાંધીનગરને જોડતા ઓવરબ્રિજની કામગીરીને સમીક્ષા માટે આવેલા નાયબ મુખ્યમંત્રીએ GMDC મેદાન ખાતે આજથી શરૂ કરાયેલ ડ્રાઇવ થ્રુ વેક્સિનેશન અંગે જણાવ્યું હતું કે, આ નિર્ણય AMCએ પોતાની રીતે કર્યો છે.
઼ રાજ્ય સરકારની મંજૂરી લેવાઇ કે નહીં તેનો ખ્યાલ નથી : Dy CM
આ સાથે જ તેમણે કહ્યું કે, ડ્રાઇવ થ્રુ માટે રાજ્ય સરકારની મંજૂરી લેવાઇ કે નહીં તેનો ખ્યાલ નથી. ડ્રાઇવ થ્રુ વેક્સિનેશનનો નિર્ણય મનપાનો પોતાનો નિર્ણય છે. મુખ્યમંત્રી વિજય રૂપાણી સાથે પણ આ અંગે વાતચીત થઈ હોય તો તેનાથી હું અજાણ છું.
3 કરોડ ડોઝનો અપાયો ઓર્ડર
DyCM નીતિન પટેલે વધુમાં જણાવ્યું કે, તમામ નાગરિકોને રસી મળે તેના માટે સરકાર સજ્જ છે. વેક્સિનના 3 કરોડ ડોઝનો ઓર્ડર અપાઇ ચુક્યો છે. આ સાથે જ તેમણે સ્પષ્ટતા કરી હતી કે, સરકારી કેન્દ્રો પર વિના મૂલ્યે રસી આપવામાં આવી રહી છે.
વેક્સિનેશનને લઈને સરકાર પર સવાલો
કોરોનાની બીજી લહેર સમગ્ર દેશ માટે ખૂબ જ ઘાતક બની. જો કે, બીજી તરફ વેક્સિનેશન અભિયાન પણ પુરજોશ ચાલી રહ્યું છે પરંતું હવે વેક્સિનેશનને લઈને સરકાર પર સવાલો ઉઠી રહ્યા છે, એક તરફ પ્રાઈવેટ હોસ્પિટલને પીપીપી ધોરણે ઓનસ્પોટ વેક્સિનેશન માટે મંજૂરી આપવાનમાં આવે છે તો બીજી તરફ રાજ્ય સરકાર દ્વારા ઓન સ્પોટ માટે મંજૂરી નહીં પરંતું સરકારી કેન્દ્રો પર વેક્સિન માટે ઓન લાઈન રજિસ્ટ્રેશન ફરજીયાત હોવાનું જણાવાઈ રહ્યું છે. આમ સરકારની બેવડી નીતિ જોવા મળી રહી છે.
ડ્રાઇવ થ્રુ વેક્સિનેશનથી શરૂ કરાતા વિવાદ
અમદાવાદમાં એપોલો ડ્રાઇવ થ્રુ વેક્સિનેશનને લઇને વિવાદ સર્જાયો છે...સરકાર દ્વારા GMDC ગ્રાઉન્ડ પર ડ્રાઇવ થ્રુ વેક્સિનેશનથી શરૂ કરાતા વિવાદ થયો છે. કોંગ્રેસ નેતા અર્જૂન મોઢવાડિયાએ વેક્સિનેશન મુદ્દે સરકાર પર સવાલ ઉઠાવ્યા છે, અને યુનિવર્સલ વેક્સિનેશન કાર્યક્રમ ચાલુ રાખવાની માંગ કરી છે મહત્વનું છે કે એપોલો હોસ્પિટલ દ્વારા રૂપિયા 1 હજાર લઇને વેક્સિન આપવામાં આવી રહી છે. ત્યારે PPP ધોરણે ઓનસ્પોટ રજિસ્ટ્રેશનની કામગીરીને લઈ વિપક્ષ નેતાઓ સવાલો ઉઠાવી રહ્યાં છે.
AMCએ ઓનસ્પોટ રજિસ્ટ્રેશનને મંજૂરી કેવી રીતે આપી
બીજી તરફ રાજ્ય સરકારે ઓનસ્પોટ રજિસ્ટ્રેશન માટે મનાઇ ફરમાવી છે અને રાજ્યમાં વેક્સિન માટે ઓન લાઇન રજિસ્ટ્રેશન ફરજિયાત કરવામાં આવ્યું છે ત્યારે AMCએ એપોલો હોસ્પિટલને PPP ધોરણે વેક્સિનેશન માટે મંજૂરી આપતા સરકાર સામે અનેક સવાલો ઉઠી રહ્યા છે. રાજ્ય સરકારના નિયમ વિરૂદ્વ AMCએ ઓનસ્પોટ રજિસ્ટ્રેશનને મંજૂરી કેવી રીતે આપી શકે છે. વધુમાં AMCએ પોતાના 4 ડ્રાઇવ થ્રુ વેક્સિન સેન્ટર બંધ કરી દીધા છે. AMCએ પોતાના ડ્રાઇવ થ્રુ વેક્સિનેશન સેન્ટર કેમ બંધ કરી દીધા? એપોલોને ડ્રાઇવ થ્રુ વેક્સિન મંજૂરી આપવા પાછળ AMCનો શો ઉદ્દેશ્ય છે ? ખાનગી હોસ્પિટલ માટે ઓનસ્પોટ રજિસ્ટ્રેશન તો સરકારી કેન્દ્રો પર કેમ નહી ?
GMDC ગ્રાઉન્ડમાં વેક્સિનનો રૂપિયા 1000 ચાર્જ
સમગ્ર મામલે કોંગ્રેસ દ્વારા સરકારને સરકાર પર આકરા પ્રહારો કરવામાં આવી રહ્યા છે સરકારની કહેની અને કથનીમાં ફર્ક જણાઈ રહ્યો છે, મહત્વનું છે કે GMDC ગ્રાઉન્ડમાં વેક્સિનનો રૂપિયા 1000 ચાર્જ લેવામાં આવી રહ્યો છે ત્યારે અર્જૂન મોઢવાડિયાએ તેને અયોગ્ય ગણાવ્યો હતો. મોઢવાડિયાએ જણાવ્યું હતું કે વેક્સિન માટે રૂ.1000નો ચાર્જ તાત્કાલિક રદ કરવા જોઇએ. સરકાર કોંગ્રેસની પોલીયો-ક્ષયની વેક્સિનેશનની પદ્ધતિ અપનાવે તેવી કોંગ્રેસ દ્વારા માંગ કરવામાં આવી રહી છે.