હાથના કર્યા હૈયે વાગ્યા / પેપ્સિકોએ ભારતમાં જે કેસ દાખલ કર્યો હતો તે પોતે જ હારી ગઈ, ચૂકવવું પડશે કરોડોનું વળતર

• પેપ્સિકો કંપનીએ ભારતમાં કેસ દાખલ કર્યો હતો 
• મેગફેસ્ટ બેવરેજીસ કંપની સામે કર્યો હતો કેસ 
• માઉન્ટેન ડ્યુ ના ટાઇટલ માટે કર્યો હતો દાવો 

પેપ્સિકો કંપની ને માઉન્ટેન ડ્યુ મામલે મોટો ઝટકો લાગ્યો છે. પેપ્સીકો, જે માઉન્ટન ડ્યુ ટાઇટલ પર કાયદાકીય લડત લડી રહી છે તે એક ભારતીય કંપનીની સામે ટાઇટલનો કેસ હારી ગઈ છે. 

MagFast Beverages wins battle against PepsiCo to use trademark 'Mountain Dew'

"In 2000, we started selling packaged drinking water named 'Mountain Dew'. In '03, Pepsi Co launched a soft drink under the same name. Now, court has dismissed their claims," MagFast Beverages Chairman pic.twitter.com/NzlZ7dJDAC

— ANI (@ANI) October 5, 2020

મેગફેસ્ટ કંપનીએ 15 વર્ષ સુધી લડ્યો છે કેસ 

મેગફેસ્ટ બેવરેજીસ તે કંપની છે જેમના વિશેષજ્ઞોનું કહેવું છે કે આ હાર બાદ પેપ્સિકોનું હવે માઉન્ટ માઉન્ટ ડ્યૂ ટાઇટલ પર એકાધિકાર રહેશે નહીં. મેગફેસ્ટ કંપનીના અધ્યક્ષે કહ્યું કે તેઓ ગયા વર્ષે ડિસેમ્બર મહિનામાં આ કેસ જીત્યા હતા, પરંતુ અત્યાર સુધી તેઓ કાનૂની કાગળોની રાહ જોતા હતા. 

તેમણે કહ્યું કે તેમને પેપ્સિકો પાસેથી વળતર જોઈએ છે, કારણ કે 2004 માં પેપ્સિકો એ સોગંદનામામાં કહ્યું હતું કે જો તેઓ મેગફાસ્ટ સામેનો કેસ ગુમાવે છે, તો તેઓ તમામ જરૂરી વળતર ચૂકવવા માટે તૈયાર છે.

શું છે આ મામલો ? 

નોંધનીય છે કે ટ્રેડમાર્કનો ઉપયોગ કરવાના મામલે બીજી એક સોફ્ટ ડ્રિંક કંપની મેગફેસ્ટ એ પેપ્સિકોને કાનૂની પરાજય આપ્યો છે. હવે મેગફેસ્ટ બેવરેજીસ કંપનીને ટ્રેડમાર્ક 'માઉન્ટેન ડ્યૂ' નો ઉપયોગ કરવા કોર્ટ દ્વારા કાયદેસર મંજૂરી આપવામાં આવી છે.

હૈદરાબાદ સ્થિત મેગફેસ્ટ બેવરેજીસ ના અધ્યક્ષ સૈયદ ગાઝુદ્દીને મીડિયાને જણાવ્યું હતું કે, 2000 માં તેમણે 'માઉન્ટેન ડ્યૂ' નામનું પેકેજ્ડ ડ્રિંક વોટર વેચવાનું શરૂ કર્યું. આ પછી, 2003 માં પેપ્સિકો એ પણ તે જ નામ સાથે કોલ્ડ ડ્રિંક શરૂ કર્યું હતું. 

તેમણે જણાવ્યું કે, પેપ્સિકોએ પોતે જ આ નામનો ગેરકાયદે ઉપયોગ કરવા બદલ કેસ દાખલ કર્યો હતો. આ કાનૂની લડાઇમાં, દિલ્હી હાઈકોર્ટ થી માંડીને તમામ અદાલતો એ મેગફાસ્ટ બેવરેજીસની તરફેણમાં ચૂકાદો આપ્યો હતો. તેણે કહ્યું કે આ લડત લગભગ 15 વર્ષ સુધી ચાલી હતી અને અંતે તે જીતી ગયા છે. પેપ્સિકો દ્વારા કરવામાં આવેલા દાવાને કોર્ટે ફગાવી દીધા હતા.