કાવતરું / હાર્દિક પટેલનાં પોસ્ટર પર શાહી લગાવનાર આગેવાનની કાર સળગી, બદલો લેવાયાની શંકાએ નોંધાવી પોલીસ ફરિયાદ

• હાર્દિકના પોસ્ટરને કાળી શાહી લગાવનારા ધનજી પાટીદારની કાર સળગી
• ઊંઝા બસ સ્ટેન્ડ નજીક પાર્ક કરી હતી કાર
• શાંતિ આરકેડ નામના કોમ્પ્લેક્સ નજીક પાર્ક કરી હતી કાર

Hardik Patel ભાજપમાં જોડાયા બાદ તેના પોસ્ટર ઉપર કાળી શાહી લગાવનાર આગેવાનની કાર સળગી હોવાનું ખૂલ્યું છે. વિગતો મુજબ ઊંઝા બસ સ્ટેન્ડ પાસે પાટીદાર આગેવાનની કાર પાર્ક કરેલી હતી. જોકે કોઈ અસામાજિક તત્વોએ કારને આગ લગાવી દીધી હતી. આ ઘટનાને લઈ સવાલ ઊભો થાય છે કે, શું આવા અસામાજિક તત્વોને પોલીસનો કોઈ ડર રહ્યો નથી ? 

મહેસાણાના ઊંઝા બસ સ્ટેન્ડ નજીક પાર્ક કરેલી કારમાં આગની ઘટના સામે આવી છે. જોકે આ કારને લઈ એક મોટી વાત સામે આવી છે. Hardik Patel ભાજપમાં જોડાયા બાદ ઠેર-ઠેર તેના સ્વાગતના પોસ્ટર લાગ્યા હતા. જોકે ઉનાવા-ઊંઝામાં તેના પોસ્ટર ઉપર સ્થાનિક પાટીદાર આગેવાન ધનજી પટેલે જાહેરમાં કાળી શાહી લગાવી હતી. આ તરફ હવે તે જ ધનજીભાઇની કારમાં આગ લગતા અનેક ચર્ચાઓને સ્થાન મળ્યું છે. 

સૂત્રોએ જણાવ્યું હતું કે, ધનજી પાટીદાર તેમના જીજાજીની કારનો ઉપયોગ કરતા હતા. તેઓએ ઊંઝા બસ સ્ટેન્ડ પાસેના શાંતિ આરકેડ નામના કોમ્પ્લેક્સ નજીક કાર પાર્ક કરી હતી, જોકે અજાણ્યા અસામાજિક તત્વોએ કાર સળગાવી હોવાનો ધનજી પાટીદારનો આક્ષેપ છે. અસામાજિક તત્વોને કોઇનો ભય નથી ? પોલીસની ઢીલી નીતિ અસામાજિક તત્વોને આપે છે હિંમત? આવ અનેક સવાલો હાલ પંથકમાં ચર્ચાઇ રહ્યા છે.