અમદાવાદ / IIMની 20 ફૂટ ઊંચી દિવાલ તોડીને કાર અંદર ઘૂસી ગઈ, કાર ચાલકની બેદરકારીએ સર્જ્યો અકસ્માત

• વસ્ત્રાપુર પાસે જૂની IIM નજીક અકસ્માત
• IIMની 20 ફૂટ ઊંચી દિવાલ તોડી પાડી
• બિહાન કાલરિયા નામના યુવાનની ધરપકડ

અમદાવાદના વસ્ત્રાપુરમાં અકસ્માતની ઘટના સામે આવી, ગત રોજ વહેલી સવાર સર્જાયેલા અકસ્માતમાં કાર સવાર 20 ફુટ ઊંચી દિવાલ તોડીને કાર અંદર ઘૂસી ગઈ હતી.. કાર ચાલક એટલી પૂરપાટ ઝડપે આવી રહ્યો હતો કે જૂની IIMની 20 ફુટ ઊંચી દિવાલ પણ કારને રોકી ન શકી હતી. જોકે એરબેગ ખુલી જતા કાર ચાલકનો આબાદ બચાવ થયો હતો સમગ્ર મામલે પોલીસને જાણ થતા પોલીસ પણ ઘટના સ્થળે આવી પહોંચી હતી અને બિહાન કાલરિયા નામના યુવકની પોલીસે ધરપકડી કરી હતી. પોલીસ વધુ પડતી ઝડપ અને લાપરવાહીથી કાર ચલાવવાનો ગુનો નોંધી આગળની કાર્યવાહી હાથ ધરી છે. 

IIMની 20 ફૂટ ઊંચી દિવાલ તોડી પાડી

મહત્વનું છે કે વહેલી સવારના રોજ બનેલી ઘટનામાં કોઈ જાનહાનિ સર્જાઈ નથી, પરતું સવાલ એ છે કે આમ બેફામ કાર હંકારવી કેટલી યોગ્ય છે, IIM રોડ પર સામાન્ય રીતે નાગરિકોની અવરજવર વધુ રહેતી હોય છે, બેજવાબદારી અને લાપરવાહીથી કાર ચલાવતા કોઈ દુઘર્ટના પણ સર્જાઈ હોત, સદનસીબે જાનહાનિ ટળી છે. સામાન્ય રીતે અકસ્માતમાં ગુનાઓમાં વધુ પડતી ઝડપ અને ડ્રાવિંગ દરમિયાન ફોન પર વાતચીત અકસ્માતનું કારણ માનવામાં આવે છે. હાલ તો પોલીસે વસ્ત્રાપુર પાસે જૂની IIM નજીક અકસ્માત સર્જનાર બિહાન કાલરિયા સામે આગળની કાર્યવાહી હાથ ધરી છે.