ગુજ'રાજ' 2022 / ચૂંટણી ટાણે ઉમેદવારને 6 માસની જેલ થતા ગુજરાતની આ બેઠક પર રાજકારણ ગરમાયું! જુઓ શું છે સમગ્ર મામલો

• આમ આદમી પાર્ટીના ઉમેદવાર અંકુર પટેલને કોર્ટે દોષિત ઠેરવ્યા
• બે લાખ રૂપિયાનો ચેક બાઉન્સ થતાં કરી ફરિયાદ 

ભરૂચની એક સ્થાનિક અદાલતે બુધવારે ચેક બાઉન્સના કેસમાં અંકલેશ્વરથી આમ આદમી પાર્ટીના ઉમેદવાર અંકુર પટેલને દોષિત ઠેરવ્યા હતા અને એ હેઠળ તેમને છ મહિનાની જેલની સજા ફટકારી હતી. જણાવી દઈએ કે ફેબ્રુઆરી 2021માં અંકુર પટેલ દ્વારા આપવામાં આવેલ બે લાખ રૂપિયાનો ચેક બેંક દ્વારા પરત કરવામાં આવ્યો હતો પછી ફરિયાદી સલીમ વાડિયાએ કોર્ટનો દરવાજો ખટખટાવ્યો હતો. એ બાદ કોર્ટે નેગોશિયેબલ ઈન્સ્ટ્રુમેન્ટ એક્ટની કલમ 138 હેઠળ અંકુર પટેલને દોષિત ઠેરવ્યા છે. 

ફરિયાદી સલીમ વાડિયાના વકીલ આઈજી બાબા સૈયદે જણાવ્યું હતું કે, "મારા ક્લાઈન્ટે અંકુર પટેલને કુલ આઠ લાખ રૂપિયા આપ્યા હતા અને હવે તેઓ તે પરત માંગી રહ્યા હતા, એ માટે પટેલે તેને બે ચેક આપ્યા હતા જેમાં એક ચેક પાંચ લાખ રૂપિયાનો હતો અને બીજો બે લાખનો ચેક હતો. અને આ બંને ચેક ગયા વર્ષે બેંક દ્વારા પાછા કરવામાં આવ્યા હતા.  જો કે કેટલાક ટેકનિકલ કારણોસર અમે 5 લાખનો ચેક રિટર્નને પડકારી શક્યા નહોતા પણ 2 લાખના ચેક બાઉન્સને NI એક્ટ હેઠળ અરજી કરી હતી એને કોર્ટે આજે તેને દોષિત ઠેરવ્યો હતો. જો કે તેઓ આજે હાજર નહતા એટલા માટે  તેને સજા પણ ફટકારવામાં આવી છે. 

અંકલેશ્વર વિધાનસભા 'આપ' ઉમેદવાર શ્રી અંકુર પટેલ ના સમર્થનમાં હાંસોટ તાલુકાના ગામોમાં જનસંપર્ક કરવામાં આવ્યો. pic.twitter.com/ddBr8ZSzGp

— AAP Bharuch । #Mission2022 (@AAP4Bharuch) November 24, 2022

જૂના વાહનોનો વેપાર કરતા સલીમ વાડિયાએ થોડા વર્ષો પહેલા પેટ્રોલ પંપના માલિક અંકુર પટેલના સંપર્કમાં આવ્યા હતા અને તેમની સાથે સારા સંબંધો કેળવ્યા હતા. એ પછી એમને અંકુર પટેલને કુલ આઠ લાખ રૂપિયા આપ્યા હતા અને પૈસા પાછા માંગવા પર એમને જે ચેક આપ્યા હતા તે બાઉન્સ થઈ ગયા હતા. અંકલેશ્વર વિધાનસભા બેઠક પર આપ પાર્ટીના ઉમેદવાર અંકુર પટેલે 2 લાખનો ચેક રિટર્ન કેસમાં કોર્ટના નામદાર એડિશનલ ચીફ જ્યુડીશિયલ મેજિસ્ટ્રેટે 6 મહિનાની સજા ફટકારી છે અને કહ્યું છે કે અંકુર પટેલને 30 દિવસમાં ફરિયાદીને રકમ ચૂકવી ન આપે તો એમને વધુ 6 માસની વધુ કેદની સજાનો ફટકારવામાં આવશે.