ઉપલેટા /  VIDEO: આખલાએ સાયકલ 'માથે' લીધી, ઉપલેટામાં આખલાનું માથું સાયકલમાં ફસાતા સર્જાયો અફરાતફરીનો માહોલ

• ઉપલેટામાં અફરાતફરીનો માહોલ 
• આખલાનું માથુ સાયકલમાં ફસાયું
• સમગ્ર ઘટનાનો વીડિયો વાયરલ

રાજ્યના મોટા નગરોમાં રોડ રસ્તા પર રખડતા ઢોરનો આતંક જોવા મળતો હોય છે, જેને લઈને કેટલાકવાર તો સામાન્ય પ્રજા મુશ્કેલીમાં મુકાઈ જતી હોય છે કેટલાક એવા કિસ્સાઓ પણ સામે આવ્યા છે જેમાં રખડતા ઢોરના આતંકના કારણે લોકો ગંભીર ઈજાગ્રસ્ત થયા હોય તો પુશઓના આતંકને કારણે જીવ ગુમાવ્યો હોવાના કિસ્સા પણ સામે આવતા હોય છે. 

આખલાનું માથુ સાયકલમાં ફસાયું

એવામાં આજે ઉપલેટામાં એક આખલાનો વીડિયો સામે આવ્યો છે જેમાં આખલાનું માથું સાયકલમાં ફસાઈ જતા અફરાતફરીનો માહોલ સર્જાયો હતો, સાયકલમાં ફસાયેલા માંથા સાથે આંખલો રોડ પર રઝડી રહ્યો હતો ત્યારે સ્થાનિકોએ ભારે જહેમતે રેસ્ક્યૂ હાથ ધર્યું હતું, જો કે ભારે મહેનત બાદ આખલાને સાયકલની આફતમાંથી મુક્ત કરાયો હતો. જો કે ઘટનાને પગલે લોકોમાં અફરાતફરીનો માહોલા જોવા મળ્યો હતો, આ સમગ્ર ઘટનાનો વીડિયો સોશિયલ મીડિયામાં વાયરલ થતા લોકોમાં ઉત્સકતા જોવા મળી હતી. વીડિયોમાં જોઈ શકાય છે કે કેવી રીતે સ્થાનિકો આખલાના માથામાંથી સાયલક નીકાળવાનો પ્રયાસ કરી રહ્યા છે, જો કે આખલા સાયકલ ફસાયા પણ આખલાના કારણે કોઈ પણ જાતનો બનાવ બન્યો ન હતો.  મહત્વું છે કે રોડ રસ્તા પર રખડતા ઢોરનો આતંક વધી રહ્યો છે, ત્યારે સ્થાનિક તંત્રની કામગીરી સામે પણ અનેક સવાલો ઉઠી રહ્યા છે. જો કે અનેક એવા કિસ્સામાં રખડતા ઢોરના આતંકનો ભોગ સામાન્ય પ્રજા બનતી હોય છે.