જંત્રીના ભાવમાં વધારા મામલે ગુજરાતના બિલ્ડરો મુખ્યમંત્રીને આવતીકાલે રજૂઆત કરશે તેમજ સ્થાનિક નાગરિકોએ સરકારના આ નિર્ણયને આવકાર્યો
ગુજરાતના બિલ્ડરો CMને કરશે રજૂઆત
જંત્રીના ભાવ વધારા મામલે કરશે રજૂઆત
જંત્રી ભાવના નિર્ણયને કેટલાક નાગરિકોએ આવકાર્યો
સરકાર દ્વારા જંત્રીના ભાવ વધારાનો ઠરાવ કરતો પરિપત્ર જાહેર થયો છે. હવે ગુજરાતમાં નવા દરો પ્રમાણે જંત્રી વસુલવામાં આવશે. જંત્રીના ભાવ વધારા સામે બિલ્ડર એસોસિએશનમાં નારાજગી જોવા મળી રહી છે. તો બીજ બાજુ નાગરિકોએ સરકારના નિર્ણયને આવકાર્યો છે. જંત્રીના ભાવ વધવાથી રિઅલ એસ્ટેટના ભાવમાં પણ વૃદ્ધિ થશે તેવો પણ મંતવ્યો સામે આવ્યા છે. રાજ્યમાં ભાવ ઉચકાતા દેશ-વિદેશમાંથી રિયલ એસ્ટેટમાં મૂડી રોકાણ આવે તેવી શક્યતાઓ સેવાઈ રહી છે. હાલના તબક્કે નાગરિકો પર બોજો વધશે પરંતુ લાંબા ગાળે ગ્રાહકો અને બિલ્ડર્સને ફાયદો થશે.
જંત્રીનો ડબલ ભાવ થતા બિલ્ડર્સ એસોસિએશનની બેઠક
જંત્રીના ભાવમાં વધારા મામલે ગુજરાતના બિલ્ડરો મુખ્યમંત્રીને આવતીકાલે રજૂઆત કરશે. જંત્રીના ભાવમાં વધારો કર્યા પહેલાં સમય આપવા બિલ્ડરો માગ કરી રહ્યાં છે. જંત્રીના ભાવમાં વધારો થતાં આજે ક્રેડાઈની બેઠક મળી હતી. ક્રેડાઈની બેઠકમાં મુખ્યમંત્રીને રજૂઆત કરવાનો નિર્ણય લેવાયો છે
બિલ્ડર્સ એસોસિએશન મુખ્યમંત્રીને રજૂઆત કરશે
જંત્રીનો ડબલ ભાવ થતા અમદાવાદમાં બિલ્ડર્સ એસોસિએશન આવતીકાલે સવારે 10 વાગ્યે મુખ્યમંત્રીને મળશે અને બેઠક કરશે. અમદાવાદ ક્રેડાઈ સહિતના 40થી વધુ પ્રતિનિધિઓ સીએમ સાથે મુલાકાત કરશે અને જંત્રી 1 મેથી લાગુ કરવાની રજૂઆત કરશે. જંત્રીમાં રહેલા વિસંગતતાઓ દૂર કરવા માંગ કરશે. એફોર્ડેબલ હાઉસિંગ સેકટરને અસર ન થાય તેની રજૂઆત કરશે.
નાગરિકોએ સરકારના આ નિર્ણયને આવકાર્યો
જંત્રી ભાવને લઈ અમદાવાદના સ્થાનિક જયંતિભાઈ પટેલે જણાવ્યું કે, 2011થી સુધારેલા ન હતા અને બેંકમાં લોન લેવા જઈએ અને વેલ્યુએસન કઢાવતા હતા ત્યારે છેક 2011ની નીકળતી હતી અને જેને લઈ લોન પણ ઓછી મળતી હતી. તેમણે કહ્યું કે, સરકારનો આ નિર્ણય યોગ્ય અને વ્યાજબી છે. અમદાવાદના સ્થાનિક જયદીપસિંહ વાઘેલાએ જણાવ્યું કે, આ નિર્ણયથી સરકારની આવકમાં વધારો થશે, આ સારૂ કાર્ય છે જેથી ભવિષ્યમાં લાભ થશે
જંત્રીના ભાવ વધારાને લઈ વર્તમાનમાં બિલ્ડર્સ એસોસિએશન દ્વારા સમય વધારાની માગ કરાઈ છે તેમજ જંત્રીમાં રહેલી વિવિધ વિસંગતતા દૂર કરવા પણ માગ કરાઈ રહી છે. જ્યારે વિવિધ નાગરિકો દ્વારા જંત્રીમાં કરાયેલા ડબલ વધારાને આવકારી રહ્યાં છે જેને લઈ વર્તમાન જંત્રીમાં ડબલ ભાવ વધારાને લઈ મિશ્ર પ્રતિસાદ મળી રહ્યો છે.