તમે માણસોને દારૂના નશામાં લથડતા જોયા હશે પરંતુ ક્યારે કોઈ પશુને દારૂના નશામાં લથડતા જોયા છે? આવી જ એક વિચિત્ર ઘટના સામે આવી છે.
પાણીના હવાડામાં ખુલી ગઈ દારૂની બોટલો
ભેંસોએ પી લીધો પાણીમાં મિક્સ થયેલો દારૂ
પાણી પીધા બાદ ભેંસો થઈ હતી બેકાબુ
નોંધપાત્ર છે કે, ગુજરાતમાં દારૂ પર પ્રતિબંધ છે છતાં ગાંધીનગરમાં ભેંસના માલિકે ગમાણમાં મોટી માત્રમાં દારૂ છુપાવ્યો હતો. ભેંસો દારૂના નશામાં ધુત છે તેવા સમાચાર મળતા પોલીસે ગમાણ પર દરોડા પાડ્યા હતા. પોલીસે માલિક વિરુદ્ધ ગુનો નોંધ્યો હતો અને દારૂની 101 બોટલો જપ્ત કરવામાં આવી હતી.
પાણીના હવાડામાં છુપાવી હતી દારૂની બોટલો
ગાંધીનગરમાં તબેલો ચલાવનાર વ્યક્તિએ દારૂની બોટલો પાણીના હવાડામાં દારૂની બોટલો છુપાવીને રાખી હતી. કોઈક કારણોસર પાણીમાં દારૂની બોટલો ખુલી ગઈ. તે દરમિયાન જેટલી ભેંસો ત્યાં પાણી પીવા આવી હતી, તે બધી ભેંસોએ પાણીમાં મિક્સ થયેલો દારૂ પી લીધો હતો.
ભેંસોએ પી લીધો પાણીમાં મિક્સ થયેલો દારૂ
પાણી પીધા બાદ, ઘણી ભેંસો બેકાબુ થઈને કુદવા લાગી. કારણકે તે દારૂના નશામાં ધૂત હતી. દારૂની અસરથી બે ભેંસો બીમાર થઇ ગઈ હતી. ભેંસોની એટલી ખરાબ હાલત જોઈને માલિકે પશુઓના ડૉક્ટરને બોલાવ્યો હતો. ડૉક્ટર જયારે તબેલામાં પહોંચ્યો ત્યારે હવાડામાં પાણીનો કલર જોઈને તે ચોંકી ગયો. કારણકે પાણીનો કલર બદલાયેલો હતો અને તેમાંથી ખરાબ સ્મેલ આવી રહી હતી. જયારે તબેલાના માલિકને પાણીના બદલાયેલા રંગ વિષે પૂછવામાં આવ્યું તો તેણે જણાવ્યું કે, વૃક્ષના પાંદડાઓ અને છોડ પાણીમાં પડી જવાથી તેવું બન્યું છે.
ભેંસની ગમાણમાંથી રૂપિયા 35 હજારનો ઝડપાયો દારૂ
માલિકે આપેલ જવાબથી ડૉક્ટર સંતુષ્ટ નહોતા. તેથી પાણીની તપાસ કરવા માટે તેણે LCB ટીમને જાણ કરી હતી. ત્યારબાદ પોલીસ ગમાણ પર પહોંચી અને તપાસ દરમિયાન પોલીસને દારૂની 101 બોટલો મળી આવી હતી. જેની કિંમત 35 હજાર રૂપિયા આંકવામાં આવી હતી. હાલ આ મામલે સંપૂર્ણ તપાસ કર્યા બાદ પોલીસે ગમાણના માલિકો દિનેશ ઠાકોર, અંબરમ ઠાકોર અને રવિ ઠાકોર સામે ગુનો નોંધ્યો છે.