ભારતીય બજેટ ઈતિહાસમાં સૌથી લાંબુ બજેટ ભાષણ 2 કલાક 41 મિનિટનું છે, જે બોલિવૂડની કોઈપણ મૂવી કરતાં વધુ લાંબું વાંચવામાં આવ્યું હતું
ભારતનું કેન્દ્રીય બજેટ રજૂ થવાને હવે ગણતરીના દિવસો જ બાકી
1 ફેબ્રુઆરી 2023ના દિવસે નિર્મલા સીતારમણ રજૂ કરશે બજેટ
ઈતિહાસનું સૌથી લાંબુ બજેટ ભાષણ વાંચવાનો રેકોર્ડ નિર્મલા સીતારમણના નામે
ભારતનું કેન્દ્રીય બજેટ રજૂ થવાને હવે ગણતરીના દિવસો જ બાકી છે. આગામી 1 ફેબ્રુઆરી 2023 ના રોજ નાણાપ્રધાન નિર્મલા સીતારમણ સવારે 11 વાગ્યે સંસદમાં બજેટ રજૂ કરશે. પરંતુ શું તમે જાણો છો કે, નિર્મલા સીતારમણના નામે એક ખાસ રેકોર્ડ છે ? જો નહીં તો અમે તમને જણાવીએ છીએ. હકીકતમાં તેમણે દેશના ઈતિહાસનું સૌથી લાંબુ બજેટ ભાષણ વાંચ્યું હતું જે બોલિવૂડની મૂવી કરતા લાંબુ હતું.
સૌથી લાંબુ બજેટ ભાષણ
ભારતીય બજેટ ઈતિહાસમાં સૌથી લાંબુ બજેટ ભાષણ 2 કલાક 41 મિનિટનું છે. જે બોલિવૂડની કોઈપણ મૂવી કરતાં વધુ લાંબું વાંચવામાં આવ્યું હતું. વર્ષ 2020માં વર્તમાન નાણામંત્રી નિર્મલા સીતારમણે સંસદમાં આ રેકોર્ડ પોતાના નામે કર્યો હતો. તમને જણાવી દઈએ કે, સામાન્ય રીતે બોલિવૂડ ફિલ્મનો સરેરાશ સમય લગભગ બે કે અઢી કલાકનો હોય છે. સીતારમણે વર્ષ 2003માં આટલું લાંબુ બજેટ ભાષણ વાંચીને તત્કાલિન નાણામંત્રી જસવંત સિંહનો રેકોર્ડ તોડ્યો હતો.
જસવંત સિંહનો રેકોર્ડ તોડ્યો
2003માં દેશનું સામાન્ય બજેટ રજૂ કરતી વખતે તત્કાલિન નાણામંત્રી જસવંત સિંહે 2 કલાક 13 મિનિટનું ભાષણ વાંચ્યું હતું. 2020માં નિર્મલા સીતારમણના બજેટ ભાષણ સુધી આ એક રેકોર્ડ હતો. પરંતુ 2.41 કલાકમાં બજેટ રજૂ કરીને સીતારમણે એક રેકોર્ડ પોતાના નામે કરી લીધો. જોકે, ત્યારપછીના બજેટમાં તેમણે બજેટ રજૂ કરવામાં ઓછો સમય લીધો હતો. ગયા વર્ષે 2022નું સામાન્ય બજેટ નાણામંત્રીએ માત્ર 1 કલાક 31 મિનિટમાં રજૂ કર્યું હતું.
અત્યાર સુધીનું સૌથી ટૂંકું બજેટ
અત્યાર સુધીનું સૌથી ટૂંકું સામાન્ય બજેટ માત્ર 800 શબ્દોનું હતું. વર્ષ 1977માં ઈમરજન્સી બાદ યોજાયેલી લોકસભાની ચૂંટણીમાં કોંગ્રેસનો સફાયો થઈ ગયો હતો. મોરારજી દેસાઈના નેતૃત્વમાં દેશમાં પ્રથમ બિનકોંગ્રેસી સરકારની રચના થઈ હતી. મોરારજી વડાપ્રધાન બન્યા અને નાણાં મંત્રાલયની જવાબદારી હિરુભાઈ એમ. પટેલને સોંપવામાં આવી. આ વર્ષે માર્ચમાં તેમણે સંસદમાં વચગાળાનું બજેટ રજૂ કર્યું હતું, તેમનું ભાષણ 800 શબ્દોનું હતું, જે થોડીવારમાં સમાપ્ત થઈ ગયું હતું.
સૌથી વધુ વખત બજેટ કોણે રજૂ કર્યું?
સૌથી વધુ વખત બજેટ રજૂ કરવાનો રેકોર્ડ મોરારજી દેસાઈના નામે છે.મોરારજી દેસાઈએ સૌથી વધુ વખત ભારતનું બજેટ રજૂ કર્યું છે. નાણામંત્રી તરીકે 10 વખત દેશનું સામાન્ય બજેટ રજૂ કરવાનો રેકોર્ડ તેમના નામે છે. જેમાં આઠ બજેટ અને બે વચગાળાના બજેટનો સમાવેશ થાય છે. જેમાં આઠ બજેટ અને બે વચગાળાના બજેટનો સમાવેશ થાય છે. બીજી તરફ મોરારજી દેસાઈ પછી યુપીએ સરકારમાં નાણામંત્રી રહેલા પી.ચિદમ્બરમ સૌથી વધુ નવ બજેટ ધરાવે છે. આ સિવાય પ્રણવ મુખર્જી અને યશવંત સિંહાએ 8-8 વખત બજેટ રજૂ કર્યું હતું. પૂર્વ વડાપ્રધાન મનમોહન સિંહ પણ છ વખત બજેટ રજૂ કરી ચૂક્યા છે.