સમગ્ર સૌરાષ્ટ્રમાં આજે ભયંકર વરસાદ પડ્યો છે. જેમા જાનમગર બાદ હવે રાજકોટમાં પણ હવે પરિસ્થિતી વણસી છે. ખાસ કરીને રાજકોટના ગ્રામ્ય વિસ્તારોમાં જનજીવન ખોરખાયું છે.
રાજકોટના મવડી ગામનો પુલ તૂટ્યો
ઉપલેટાના ગામોમાં જનજીવન ખોરવાયું
પુલ તૂટી પડતા જનજીવન ખોરવાયું
સૌરાષ્ટ્રમાં આજે ભારે વરસાદને કારણે ગંભીર પરિસ્થિતી સર્જાઈ છે. અત્યાર સુઝી જામનગરમાં પરિસ્થિતી ખરાબ થઈ રહી હતી. પરંતુ હવે તો રાજકોટમાં પણ પરિસ્થિતી વણસી રહી છે.. રાજકોટના મવડી ગામમાં ભારે વરસાદે કારણે જે પુલ તૂટી ગયો હોવાનું સામે આવ્યું છે. પુલ તુટી જવાને કારણે અહીયા વાહન વ્યવહાર પણ ખોરવાયો છે.
ઉપલેટામાં ચારેય તરફ પાણી
ખાસ કરીને રાજકોટના ગ્રામ્ય વિસ્તાપરોમાં વધારે તારાજી જોવા મળી રહી છે. ઉપલેટામાં ભારે વરસાદથી ચારેય તરફ પાણી પાણી ભરાઈ ગયા છે. અનેક ગામો અને ખેતરો અહીયા બેટમાં ફેરવાઈ ગયા છે. જેના કારણે ઉપલેટામાં રહેતા લોકોનું જનજીવન ખોરવાયું છે અને તેઓ ભારે હાલાંકીનો સામનો કરી રહ્યા છે.
મેટોડામાં 35 લોકો ફસાયા
બીજી તરપફ રાજકોટના મેટોડા વિસ્તારમાં પણ ભારે વરસાદને કારણે જળબંબાકારની સ્થિતી સર્જાઈ હતી. અહીયા ઔદ્યોગિક વિસ્તારમાં 35 જેટલા લોકો ફસાઈ ગયા હતા. જે લોકોનું રસેક્યું કરવા માટે તંત્રને જાણ કરવામાં આવી હતી.
લોધીકાના દેવગામમાં ખેતરો દરિયા જેવા
આ તરફ લોધીકાના દેવગામમાં પણ ભારે વરસાદથી ખરાબ પરિસ્થિતી સર્જાઈ જેમા દેવગામમાં આવેલ ખેતરોમાં પાણી ફરી વળ્યા જેના કારણે ખેતરો પણ દરિયા જેવા દેખાતા હતા. સાથેજ ભારે વરસાદને કારણે ગામમાં ઠેર ઠેર પાણી ભરાઈ ગયા જેના કારણે જનજીવન ખોરવાયું હતું.
100 લોકોને સલામત સ્થળે ખસેડાયા
ઉલ્લેખનીય છે કે રાજકોટના ન્યારી ડેમ-2માં ભારે વરસાદને કારણે મોટા પ્રમાણમાં પાણીની આવક થઈ છે. ડેમના દરવાજાઓ ખોલી દેવામાં આવતા નદીઓ પણ ગાંડીતૂર બની છે. જેના કારણે નીચાણવાળા વિસ્તારમાં આવતા ગામડાઓમાં એલર્ટ જાહેર કરી દેવામાં આવ્યું છે. સાથેજ તંત્ર દ્વારા 100 કરતકા વધું લોકોને સલામત સ્થળે ખસેડવામાં આવ્યા છે.